You registered on WordPress.com 2 years ago!

Thanks for flying with us. Keep up the good blogging!

Այ քեզ բան, պարզվում է, որ  այսօր իմ բլոգի՝  «Հայկական կակաչի»  ծննդյան օրն է: Դե ինչ, բլոգ ջան, ծնունդդ շնորհավոր, իմ լավ ընկեր:

Հիմա ասեմ՝ ես ու իմ բլոգը ինչ ունենք-չունենք: Ունենք 565 գրառում,  1 976 կարծիք, վիրուսազերծ 1 803 սպամ («շատ ըլի, քիչ չըլի» շարքից), ագահի նման արդեն զբաղեցրել ենք հասանելիք վիրտուալ տարածքի 26 %-ը:

Համագործակցում ենք երեք գործընկեր կայքերի հետ և այս պահի դրությամբ ունենք 95, 768 այցելու: Հարգում ենք մեր այցելուներին ու հնարավոր ամեն բան անում նրանց չհիասթափեցնելու համար:

Բլոգը, ի սկզբանե, ունեցել է ուսումնական-կրթական և հոգևոր-մշակութային ուղղվածություն: Ու, քանի որ հարգում եմ հեղինակային իրավունքները,  այդ պատճառով նշում եմ  նյութի, լուսանկարի հեղինակին: Ժողովուրդ, պարզվում է՝ դա շատ էլ լավ բան է: Համենայն դեպս,  համագործակցության առաջարկներ անող կայքերը բացի որակյալ նյութեր ունենալուց, որպես առավելություն, նշում են նաև այս հանգամանքը:

Հիմա նստել ու ինձ ու ինձ մտածում եմ` ես բլոգին տվել եմ նյութեր, բա բլոգը ինձ ի՞նչ է տվել: Մտածեցի ու հասկացա, որ տվել է`

• հետաքրքիր մարդկանց հետ շփվելու հնարավորություն
• համակարգված մտածողություն և ժամանակի խնայողություն
• արագ, արդյունավետ մտածելու և գործելու հմտություն
• ինքնավստահություն և ինքնաճանաչողություն

Ես եմ ու իմ բլոգը. այնպիսին եմ, ինչպիսին կամ իրականում:

Լուսանկարում ինքն է՝ Հայկական կակաչը

 Նունե Մովսիսյան