Հրեշտակ չեմ (մեղա ՜, մեղա ՜), ոչ էլ՝ «սուրբ անմեղություն» (Աստված հեռու տանի), մարդ եմ՝ մի լավ փունջ ծաղկած թերություններով, թուլություններով ու սխալականությամբ:
Ինքնահաստատման բարդույթ, քավ լիցի, բնավ չեմ ունեցել ու չունեմ: Վերջին անգամ նման մի բան, երևի, մանկապարտեզում եմ ունեցել (խաբեցի, մանկապարտեզ չեմ գնացել):
Որևէ բնույթի մոլուցքով երբևէ չեմ տառապել, այդ թվում՝ կրթական: Այսպիսին եմ եղել միշտ ու հիմա էլ նույնն եմ:
Մեծամտանալու հետ էլ, թարսի պես, հեչ զահլա չունեմ: Ունեմ կայուն ինքնագնահատական, որն անկախ մարդկանց՝ իմ նկատմամբ ունեցած լավ կամ վատ կարծիքից, մնում է հաստատուն-անփոփոխ:
Սիրո պակաս, փառք Աստծո, չեմ ունեցել ոչ մանկության տարիներին, ոչ պատանեկության ժամանակ, ոչ էլ՝ հիմա:
Այնպես որ, կարող եք ինձ հանգիստ չսիրել: Ես դրանից հաստատ չեմ խռովի, լաց էլ չեմ լինի:
Հա՛, ունեմ հետաքրքությունների լայն շրջանակ (հավանաբար, ժառանգական գեն է) ու չեմ պատրաստվում այն սահմանափակել միայն այն բանի համար, ինչ է թե՝ ոմանց այն դուր չի գալիս:
Կարդալու եմ, թարգմանելու եմ, թողարկելու եմ այն ամենը, ինչն ինձ հետաքրքիր է:
Այնպես որ, նրանց, ում դուր չի գալիս, իզուր նյարդեր ու ժամանակ մի՛ վատնեք, դուք լիիրավ եք չկարդալ իմ թողարկած և ոչ մի նյութ:
Ի՞նչ եմ ուզում ասել: Բարի՛ եղեք, ինձ մի «շնորհեք» կծու-թթու խոսքեր և մի «արժանացրեք» անբարյացկամ-անհարգալից վերաբերմունքի, միևնույնն է, ես դրանք չեմ ընդունելու:
Այնպես որ, Ձեր ունեցածը ձեզ մոտ պահեք, դրանք ինձ պետք չեն:
Խորին երախտագիտությամբ ընդունում եմ միայն ժպիտներ, սեր, պաչիկներ…
Ողջ լերուք:
Ամենայն հարգանքով՝ Նունե Մովսիսյան
Լուսանկարը՝ Սյուզի Մարգարյանի
ինչ-որ բան ե՞մ բաց թողել :)
НравитсяНравится
Չէ, Արամազդ ջան, առանձնապես բան չի եղել:
НравитсяНравится
Ինչ լա՜վ է, որ դու կաս…
НравитсяНравится
Ջա՜ն…
НравитсяНравится
Բարև Նունե ջան,Էդուարդ Բագրատունու օգնությամբ ես ՙՙբացահայտեցի ՚՚Ձեզ… ու շատ հիացած եմ:Շարունակեք աշխատել,Ձեզ շատ սպասողներ կան…
НравитсяНравится
Հազար բարև, Գայանե ջան, ուրախ եմ ծանոթության համար: Բարևներս Էդուարդին:
НравитсяНравится