Ըստ Watkins’ Mind Body Spirit ամսագրի տվյալների՝  Ջեֆֆ Ֆոստերը համարվում է մեր ժամանակների 100 ամենաազդեցիկ հոգևոր լիդերներից:

Կյանքի աղոթք

Ավերի՛ր իմ մեջ այն, ինչն ավերվելու կարիքն ունի:

Ամրապնդի՛ր այն, ինչն ամրապնդվելու կարիքն ունի:

Օգտագործի՛ր ինձ. ինձնով արարի՛ր, նկարի՛ր ինձնով ամեն կաթիլը կյանքի կտավին:

Օգնի՛ր ինձ ապրել լիարժեք յուրահատուկ կյանքով, քայլել անտառի դեռ չքայլած արահետով:

Ցույց տուր ինձ՝  ինչպես խորությամբ սիրել, ինչը ես երբևէ համարել եմ հնարավոր:

Պահի՛ր իմ հայացքի առջև այն, ինչից ես շրջվել եմ:

Օգնի՛ր ինձ մեղմանալ, թուլանալ և ամբողջովին ընդունել այն, ինչի պատճառով ես դեռևս գտնվում եմ պատերազմի մեջ:

Եթե իմ սիրտը նախկինի պես փակ է, ցույց տուր ինձ ինչպես բացել այն՝  առանց բռնություն գործադրելու:

Եթե ես  ինչ-որ բան պահում եմ՝  օգնի՛ր ինձ թողնելու այն:

Տո՛ւր ինձ խնդիրներ, պայքար, անհաղթահարելի թվացող խոչընդոտներ, եթե դրանք ինձ կտան էլ ավելի հնազանդություն և վստահություն կյանքի հանդեպ:

Օգնի՛ր ինձ ծիծաղել իմ լրջության վրա:

Օգնի՛ր ինձ հումոր գտնել մթության մեջ:

Մի՛ թաքցրու ինձ ճշմարտությունից: Երբե՛ք:

Թո՛ղ երախտագիտությունը առաջնորդի ինձ:

Ներո՛ւմը թող դառնա իմ աղոթքը:

Թո՛ղ այս պահը լինի իմ մշտական ուղեկիցը:

Թո՛ւյլ տուր ինձ տեսնել քեզ յուրաքանչյուրի դեմքի մեջ:

Թո՛ւյլ տուր ինձ զգալ քո ջերմ ներկայությունը իմ սեփական ներկայության մեջ:

Աջակցի՛ր ինձ, երբ ես կհեռանամ:

Շնչի՛ր իմ մեջ, երբ ես չկարողանամ շնչել:

Թու՛յլ տուր ինձ մեռնել կենդանի, այլ ոչ թե ապրել մեռած:

Ամեն:

Աղբյուր՝   Джефф Фостер, Молитва жизни

Ռուսերենից թարգմանությունը՝  Նունե Մովսիսյանի

Կարող եք ծանոթանալ նաև՝  «Ջեֆֆ Ֆոստեր»