Դու աշխարհ կգաս արյունոտ, անուժ, կապտուկներով, բայց կենդանի:

Նրանք քեզ կասեն, որ դու հայտնվել ես Երկիր կոչվող մոլորակում:

Նրանք քեզ անուն կտան: Եվ էլի ինչ-որ բան:

Նրանք քեզ կսովերեցնեն այն, ինչ համարում են ճիշտ:

Դու կխոսես որոշակի լեզվով, բայց դա չի լինի քո ընտրությունը:

Քեզ կհրամցնեն ընտանեկան համոզմուքներ, արժեքներ, վարվեցողության նորմեր:

(Դրանք մի՛ ընդունիր որպես բացարձակ ճշմարտություն, դա պարզապես նրանց ճշմարտության տարբերակն է):

Նրանք կգովաբանեն կամ կմեղադրեն քեզ: Կաջակցեն, կամ էլ՝ ոչ:

Նրանք նվերներ կտան քեզ կամ էլ կվերցնեն:

Նրանք կասեն, որ դու սխալ ես, վատն ես, եսասեր ես ու չար:

Դու նրանց համար կլինես որպես փրկիչ, լավագույն, գեղեցիկ ու շնորհաշատ:

Մի՛ վերցրու այդ անունները՝  լինեն դրանք լավ կամ վատ:

Դու ապրում ես: Քեզ հնարավոր չէ համեմատել և հսկել, կամ՝ բացահայտել բառերի միջոցով:

Դու կսիրես և սեր կկորցնես: Քո սիրտը կկոտրվի բազմիցս:

Դու կընկղմվես վսեմ զմայլանքի մեջ, տխրության խորխորատները կիջնես:

Նրանց, ում դու սիրում ես, կմեռնեն: Դու կսկսես հարցեր տալ իրականության մասին:

Երբեմն դու կզգաս, որ այլևս չես կարող առաջ գնալ: Դու կգնա՛ս առաջ:

Դու կհետաքրքրվես՝ որն է քո նպատակը: Կգտնես և կկորցնես այն:

Կունենաս դեր, դեն կշպրտես: Կհավատաս ինչ-որ մեկին, կհիասթափվե՛ս:

Կամ էլ՝ չես հիասթափվի: Ծնկի կգաս:

Կկանգնես: Եվ կընկնես: Եվ նորից կբարձրանաս: Կրկին ու կրկին:

Դու կզգաս կյանքի համը, և՛ խավարի, և՛ թե՝ լույսի:

Կյանքը կհոսի քո միջով՝ ուրախությունն ու տխրությունը,

Ձանձրույթն ու երանությունը, վստահությունն ու կասկածամտությունը,

Երանության վեհացումն ու դժոխքի սարսափները:

Դու կդիպչես ուրիշներին, և նրանք ի պատասխան՝  կդիպչեն քեզ:

Դու կպարես և կերգես՝  հուսահատությունից ողբալով:

Դու լաց կլինես և կծիծաղես՝  հաղորդակցվելով առեղծվածի գաղտնիքներին:

Եվ, վերջ ի վերջո, դու կգոռաս.

-Ես ապրե՛լ եմ:

Ես ապրե՜լ եմ:

Աղբյուրը՝  Джефф Фостер

Ռուսերենից թարգմանությունը՝  Նունե Մովսիսյանի

Լուսանկարը՝  Էդգար Մարուքյանի

Կարող եք ծանոթանալ նաև  «Ջեֆֆ Ֆոստեր»  կայքէջին