Լսի՛ր Ինձ քո հոգու ճշմարտությամբ: Լսի՛ր Ինձ քո սրտի զգացածով:

Լսի՛ր Ինձ քո բանականության խաղաղությամբ:

Լսի՛ր Ինձ ամենուր: Եթե քեզ մոտ հարց չի առաջանում, ուղղակի իմացիր՝ Ես արդեն պատասխանել եմ այդ հարցին: Այնուհետև բացի՛ր աչքերը և նայի՛ր աշխարհին:

Իմ պատասխանը կարող է լինել հոդված, որն արդեն հրապարկվել է:

Կարող է լինել քարոզ, որն արդեն գրվել է, և դու շուտով կլսես այն:

Կարող է լինել ֆիլմ, որն այժմ նկարահանվում է:

Լինել երգ, որը միայն երեկ է գրվել:

Բառեր, որն ուր որ է քեզ կասի սիրելի մեկը:

Կամ էլ կիմանաս սրտակից նոր ընկերոջից, ում հետ մոտ ժամանակներս կծանոթանաս:

Իմ Ճշմարտությունը քամու սուլոցի և առվի խոխոջյունի մեջ է, ամպրոպի գոռոցի և անձրևի կաթիլների կտկտոցի մեջ:

Դա և՛ հողի հոտն է, և՛ շուշանի նուրբ բույրը, և՛ արևի ջերմությունը, և՛ լուսնի գրավիչ գեղեցկությունը:

Իմ Ճշմարտությունը (այն քո ամենահուսալի օգնականն է անհրաժեշտության դեպքում) վեհաշուք է, ինչպես գիշերային երկինքը, և պարզ է, ներդաշնակ ու վստահելի, ինչպես մանկան թոթովանքը:

Այն բարձր է, ինչպես սրտի զարկը, և հանգիստ, ինչպես շնչառությունը, համընկնում է Իմի հետ:

Ես չեմ թողնի քեզ, Ես չեմ կարող լքել քեզ, քանզի դու Իմ ստեղծածն ես և Իմ ստեղծագործությունը, Իմ աղջիկը և Իմ տղան, Իմ ծրագիրը և Իմ…«Ես»-ը:

Կանչի՛ր Ինձ, երբ և որտեղ էլ որ հեռու լինես խաղաղությունից:

Խաղաղությունն այդ՝  Ես եմ:

Աղբյուրը՝  Нил Дональд Уолш — Беседы с Богом

Լուսանկարը՝  Նորա Կակաչ Սարգսյանի ֆեյսբուքյան էջից

Ռուսերենից թարգմանությունը՝  Նունե Մովսիսյանի

Կարող եք ծանոթանալ նաև՝  «Նիլ Դոնալդ Ուոլշ» կայքէջին