Օշո «Աղոթքի մարդը՝ մեծ սիրո տեր»

oshoԱղոթքը ծաղիկ է՝ գիտակցության լիարժեք ծաղկուն վիճակ: Ոչինչ չի կարող աղոթքից բարձր լինել, այն սիրո մկրտությունն է: Աղոթքն անհավանական բույր ունի:

Աղոթքի մարդը մեծ սիրո տեր մեկն է: Նա անձնվիրաբար սիրահարված է գոյին: Նա մեծ սիրավեպ ունի կյանքի հետ: Աղոթող մարդու կյանքի յուրաքանչյուր ակնթարթ մեծ ուրախություն է, որովհետև յուրաքանչյուր ակնթարթ նրան բերում է անակնկալներ, յուրաքանչյուր ակնթարթ նրան բերում է պարգևներ: Նրա կյանքում ոչ մի դատարկ վայրկյան չկա:

Մենք այդ գեղեցկությունը չենք նկատում միայն այն պատճառով, որովհետև կույր ենք, և այդ երաժշտությունը չենք լսում միայն այն պատճառով, որովհետև խուլ ենք: Գեղեցիկն ամենուր է, այն շրջապատում է մեզ: Հարկավոր է ընդամենը մի մակարդակ վեր բարձրանալ և ապրել:

Սեքսուալ էներգիան շարժվում է դեպի ներքև, այն ենթարկվում է գրավիտացիայի օրենքին: Երկիրը դեպի իրեն է ձգում այն: Դա հողեղեն, կենսաբանական, քիմիական էներգիա է: Գիտությունը կարող է այդ էներգիան ուսումնասիրել, այն ենթակա է գիտական մեթոդաբանության: Սեքսուալ էներգիան նյութական է:

Սերը վերևում է: Այն սեքսուալ էներգիայի և աղոթքի մեջտեղում է: Սերը մի մասով հասանելի է բոլոր մարդկանց, մյուս մասով ներծծվում է ժամանակի մեջ և տրված է միայն քչերին՝ նրանց, ովքեր ներքին ճամփորդության մեջ են:

Առաջին մասը սովորական մարդուն հասանելի է ենթագիտակցաբար: Մյուս մասը գիտակցականն է: Երբ սերը դառնում է գիտակցված, դու առաջին անգամ ապրում ես այն, ինչը չենթարկվելով գրավիտացիային՝ քեզ ուղղորդում է դեպի վերև:

Երրորդ մասը աղոթքն է: Սեքսուալ էներգիան ձգտում է ներքև, սերը շարժվում է վերև, աղոթքը ոչ մի տեղ էլ չի գնում: Աղոթքը հոգու կարգավիճակ է: Սեքսուալ էներգիան և սերը շարժուն են և շարժվում են հակադիր ուղղություններով: Աղոթքն անշարժ է: Աղոթքի մեջ շարժում չկա, ուղևորություն չկա, ուխտագնացություն չկա: Պարզապես դու կաս:

Լիակատար լռության և անշարժության մեջ դու ճանաչում ես Աստծուն: Ամենը անսպասելիորեն դառնում է Աստվածային: Դու Աստվածային էության մեջ ես հայտնվում: Քեզ մտերիմ մարդիկ, և նրանք, ովքեր բաց են քո հանդեպ, նույնպես սկսում են տարօրինակ, խորհրդավոր, մոգական ինչ-որ մի բան զգալ: Նրանք քեզնից դեպի իրենց եկող մի անհայտ հոսանք են զգում: Ինչ-որ պահից սկսած նրանք գիտակցում են քեզ շրջապատող աուրան: Այդ աուրան աղոթքի բույրն է:

Աղբյուր՝  Ошо

Ռուսերենից թարգմանությունը՝  Նունե Մովսիսյանի

Կարող եք ծանոթանալ նաև  «Օշո» կայքէջին

 

Реклама

Об авторе Նունե Մովսիսյան

Բարի գալուստ
Запись опубликована в рубрике Թարգմանություններ с метками . Добавьте в закладки постоянную ссылку.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s