Պատանեկան ամսագրեր. ընդհանուր դիտարկումներ

Թերություններ և խնդիրներ

• Ոչ բոլոր ամսագրերի առաջին էջում են տեսանելի մասնակից-սովորողների անուն-ազգանունները
• Չկան անոտացիաներ. ինչ ամսագիր է, ինչ նպատակ է հետապնդում, մի խոսքով` չկան նախագծի մասին պատմող ընդհանուր նկարագրություն կամ դրա նման մի բան
• Որոշ ամսագրերում բացակայում է նյութերի թողարկման ժամանակը
• Տեսանելի չէ կոնկրետ սովորողի կատարած աշխատանքը
• Ամսագրերի ձևավորման, նաև` լոգոների խնդիր ունենք
• Որոշ ամսագրերում տեղադրված չեն հաշվիչներ
• Արտաքին և ներքին կարգավորումների խնդիր ունենք
• Ընդհանուր առմամբ պահպանվում են հեղինակային իրավունքի նորմերը, բայց անելիքներ դեռ կան:
• Ընդհանուր առմամբ ամսագրերի գրական լեզուն տանելի է, բայց անելիքներ շատ կան:

Առկա խնդիրներին ուղղված առաջարկներ

• Ամսագրի առաջին էջում ճիշտ կլինի, որ երևա հիմնական խմբագրակազմում ընդգրկված սովորողների անուն-ազգանունները, նաև` նախագծի ղեկավարինը:
• Ամսագրում ընդգրկված յուրաքանչյուր սովորող լավ կլինի, որ ունենա իր անհատական էջը` օրվա ցանկացած պահին անարգել մուտք գործելու համար: Սա հնարավորություն կտա տեսնել յուրաքանչյուր սովորողի կատարած աշխատանքը, հետևել գործունեության դինամիկային:
• Առաջին էջում հակիրճ ու հասկանալի կերպով երևա նախագծի ընդհանուր նկարագրությունը, որպեսզի այցելուի համար պարզ դառնա` ինքն ինչ մեդիատարածքում է հայտնվել:
• Ամսագրում երևա թողարկվող նյութերի օրը, ամիսն ու տարին, հակառակ դեպքում անհնարին է հասկանալ` թարմացումներն ինչ հաճախականությամբ են արվում:
• Ճիշտ կլինի, որ ամսագրերի ձևավորմամբ զբաղվեն ապագա մասնագետներ, ասել է թե` սովորողների մի խումբ լինի, որն իր ղեկավարի հետ զբաղվի մեր ամսագրերի ձևավորման դիզայնով, նաև` լոգոներով:
• Տեղադրված լինեն հաշվիչներ, որպեսզի հասկանալի դառնա` որքանով է կատարված աշխատանքն արդյունավետ ու պահանջարկ ունեցող:
• Լավ կլինի, որ թողարկվող նյութերի մոտավոր թիվ սահմանվի` ինչպես ամսագրում յուրաքանչյուր սովորողի համար (ներքին կարգավորում), այնպես էլ mskh-ում` յուրաքանչյուր ամսագրի համար (արտաքին կարգավորում):
• Ավելի շատ ուշադրություն դարձնել հեղինակային իրավունքի, համացանցային մշակույթի և էթիկայի պահպանմանը:
• Կապված թողարկվող նյութերի հոսքից` հաճախ անհնար է դառնում միաժամանակ խմբագրել-սրբագրել  բոլոր նյութերը: Բացը լրացնելու համար կարելի է ունենալ սովորող-խմբագիրներ: Կարող են օգտակար լինել նաև ընտրությամբ գործունեության խոսքի մշակման դասաժամերը:

Նաև`   «Երգ Երգոց» նախագիծ. հնարավոր զարգացումներ

 «Հոգևոր Հայաստան» նախագիծ. զարգացման ենթակա ուղղություն

Նունե Մովսիսյան