Յեգուդա Բերգ «Հոգևոր հարաբերությունների կարգ»

yeguda berg

Շուտ եմ ասել. էս էն դեպք է, երբ գրողին, տվյալ դեպքում` Յեգուդա Բերգին, ընդունում եմ լուրջ վերապահումներով: Բանն այն է, որ Յեգուդա Բերգը հին հրեական առեղծվածային, գաղտնի Կաբբալա կոչվող ուսմունքի ժամանակակից հետնորդն է և նվիրյալը:

Մի քիչ այդ ուսմունքի մասին: Ըստ Կաբբալայի (բառացիորեն` նվիրում բարձրագույն գիտելիքին), Հին կտակարանի յուրաքանչյուր տառ և թիվ թաքնված իմաստ է պարունակում: Աստված աշխարհը արարել է հրեական այբուբենի ներդաշնակությամբ: Տառերի տարբեր կոմբինացիաներ ստեղծելու ճանապարհով և բացահայտելով մարդկանց խորհրդանշող թվերը՝ կարելի է ազդել Երկնքի և հրեշտակների վրա, փոխել ճակատագիրը, հրաշքներ գործել:

Ըստ կաբբալիստների, մակրոկոսմոսը (տիեզերք) կառուցված է միկրոկոսմոսի (մարդ) համանմանությամբ: Մարդու հոգին կազմված է երեք տարրերից: Ցածրակարգ մասը կամ «կենդանական հոգին» (բնազդ) ներթափանցում է բոլոր մարդկանց մարմնի մեջ նրանց ծնվելու պահին: Մյուս երկուսը` միջին հոգին և կատարյալ հոգին, զարգանում են կախված մարդու գործունեությունից և համոզմունքներից: Միջին հոգին պարունակում է առաքինությունները և բարին չարից տարբերելու ընդունակությունը: Կատարյալ հոգին առանձնացնում է մարդուն բոլոր մյուս գոյացություններից: Այն աստվածային է և անմահ:

Այսպիսով, Կաբբալայի մեջ ընդգծվում է առաքինի լինելու կարևորությունը մարդու կատարելագործման ճանապարհին:

Առաջին հայացքից «անմեղ» թվացող այս և նմանատիպ այլ ուսմունքները վտանգավոր են (ինչքան որ ես եմ հասկանում ու ինտուիտիվ զգում), որովհետև մի կողմից ընդհուպ մոտենում են սև մոգության սահմաններին, մյուս կողմից ծայրահեղ ազգայնական են: Ըստ այդ ուսմունքի, հրեաները սերմն (ձու) են (արարման բարի կողմը), ոչ հրեաները` կճեպը (արարման չար կողմը): Ճշմարտությունների ազատագրումը կճեպից մոտեցնում է Մեսսիայի վերադարձը: Կաբբալան հրեային ոչ հրեայի սպանության համար խոստանում է բարձր երկնային պարգև:

Ինչևէ, ցանկություն չկա այս ուսմունքն ավելի խորությամբ ուսումնասիրելու: (Մշեցի տատս նման դեպքերում ասում էր. «Ես իմ չափը գինում եմ (գիտեմ), այ ջանըմ, վազն արի (անցի-գնա)»:

Կաբբալա ուսումունքի գլխավոր սկզբունքները.

1. Նմանը ձգում է նմանին, իսկ հակադիրները  վանում են:

2. Կինը պատասխանատվություն է կրում հարաբերությունների հաջողության համար:

Մենք երկիր ենք եկել, որպեսզի ուրախանանք և վայելենք անսահման բավարարվածություն: Դա հնարավոր է միայն այն դեպքում, երբ մենք ուրիշներին վերաբերենք անվերապահ սիրով և բարությամբ: Սա է գաղտնիքը ստանալու այն ամենը, ինչ մենք ուզում ենք կյանքում:

Մրցակից (էգո)

Յուրաքանչյուր մարդու մեջ կա ներքին մրցակից, որը խաթարում է կապը ճշմարիտ Եսի հետ: Մրցակիցը երկակիության արդյունք է, որն առաջանում է լույսի պակասի հետևանքով:

Մրցակցի զենքը կասկածանքն ու վախն է: Դրանք զրահի արժեք ունեն:

Լույսի հետ միացում

Յուրաքանչյուրի սրտում կա Աստվածային Էներգիայի անսահման օվկիանոս, նպատակը քո ներսի լույսի աղբյուրին միանալն է: Միացման դեպքում կտրուկ նվազում են մարդու եսասիրական ցանկությունները և կախվածությունը մեկ այլ մարդուց:

  Հոգևոր հարաբերությունների կարգ

1. Տղամարդը լույսի աղբյուր է, իսկ կինը՝  այդ լույսը ընդունող անոթը:

Բոլոր մարդիկ Լույսի անոթներ են, բայց կախված իրականության դրսևորումներից՝  նրանց գործառույթները տարբեր են լինում:

Տղամարդու հոգու կառուցվածքն այնպիսին է, որ նա ի սկզբանե լույսի աղբյուր է: Ֆիզիկական մակարդակում այն արտահայտվում է սեքսի ցանկությամբ, իսկ հոգևոր մակարդակում՝  իր ունեցած լույսի բաշխմամբ, որպեսզի լիացնի ու լրացնի կնոջը:

Տղամարդը, առավել քան, ուզում է կնոջը երջանկացնել և արժանանալ նրա սիրուն:

Կնոջ հոգու կառուցվածքն այնպիսին է, որ նրա էությունը կարողանում է ընդունել և վերաբաշխել տղամարդուց եկող լույսը: Հետևաբար, նա պատասխանատվություն է կրում տղամարդուց ընդունած այդ լույսի ու էներգիայի ուղղության համար:

2. Տղամարդը չի կարող կնոջ երջանկության միակ աղբյուրը լինել:

Տղամարդը կնոջ կարիքն ավելի շատ ունի, քան կինը՝ տղամարդու: Ասել է թե՝ «Դանդաղ ընդունել, արագ ազատվել»:

Կնոջ Անոթում ոչ բավարար Լույսի առկայություն հնարավոր չէ:

3. Կինը պետք է պաշտպանի իր Լույսը և երբեք իզուր տեղը չվատնի:

Կինը պետք է դիմակայի իր ցանկություններին, եթե անգամ Մրցակիցը նրան անհամբեր է դարձնում:

Վարքի մեթոդը՝  դիմակայություն:

4. Երբեք մի հավատացեք՝  ինչ է ասում տղամարդը: Նայեք, թե ինչ է անում:

Կանանց աշխարհում խոսակցությունը էներգիայի փոխատեղության միջոց է, տղամարդկանց աշխարհում՝ նվաճում և առաջխաղացում, արդյունքի հասնելու գործիք:

Չկարողանալով աշխարհին լույս տալու ուղիներ գտնել ՝ դժբախտ և կորուսյալ տղամարդը իրեն էմոցիոնալ անհասանելի է դարձնում (TV, աշխատանք, խմիչք…):

Սա Դավաճանության Ոլորտն է, ուր միշտ կարող են հայտնվել այն մարդիկ, ովքեր կյանքի տարբեր հանգամանքների բերումով իրենց համարում են անհաջողակներ (կարճաժամկետ հաջողությունները թուլացնւմ են լարվածությունը):

Դավաճանության ոլորտը քաշում-տանում է Մրցակիցը (= ռեակտիվ ուժի եսամոլական գիտակցություն):

5. Կինը պետք է ընտրի այնպիսի տղամարդու, որին կարող է աջակցել:

Կինը պետք է սիրի այն միջոցը, որով տղամարդը այս աշխարհին լույս է տալիս, որովհետև փոխել այն, միևնույն է, կնոջը չի հաջողվի:

Տղամարդուն աջակցելը, որպեսզի նա շարունակի լույս տալ աշխարհին, կնոջը ընդհուպ մոտեցնում է Արարչին:

6. Մարդիկ հոգևոր գործընկերներ են

Մարդիկ հոգևոր գործընկերներ են, ովքեր մեզ օգնում են մոտենալ մեր իսկ Աստվածային Ներուժին: Այսպիսի կապը Կաբբալե ուսմունքում անվանում են Տիկուն (շտկում):
Մենք պետք է անցնենք հոգևոր փոխակերպման՝ շատ հաճախ ցավոտ ճանապարհով, որն ուղեկցվում է էգոյի ոչնչացմամբ:

7. Մերժված լինելու վախը պատրանք է:

Լույսը միշտ սիրում է մեզ, հետևաբար մերժման վախը Մրցակցի պատրանքն է:

Աղբյուր՝  РАВ ЙЕГУДА БЕРГ. ПРАВИЛА ДУХОВНЫХ ОТНОШЕНИ

Ռուսերենից փոխադրությունը՝  Նունե Մովսիսյանի

Կարող եք ծանոթանալ նաև՝  Յեգուդա Բերգ «Երբ թվում է՝ կյանքը դժվար է, հիշեք»

Об авторе Նունե Ռուբիկի Մովսիսյան

Բարև, բարեկամ: :)
Запись опубликована в рубрике Թարգմանություններ с метками . Добавьте в закладки постоянную ссылку.

1 отзыв на “Յեգուդա Բերգ «Հոգևոր հարաբերությունների կարգ»

  1. Уведомление: Երբ թվում է՝ կյանքը դժվար է, հիշեք | Հայկական կակաչ (Papaver Armeniacum)

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s