Լեոնիդ Ենգիբարյան «Մի քանի բառ Երևանի մասին»

1_2d14a445bb34.jpg

Մարտի 15-ին ծնվել է Լեոնիդ Ենգիբարյանը:

Մի քանի բառ Երևանի մասին

Մի անգամ, երբ աշունը Երևան իջավ լեռներից, և քաղաքի փողոցները դարձան շագանակաոսկեգույն, մի ծաղրածու եկավ:

Չգիտեմ՝ հնարավոր է, որ նա սիրահարվեց երկար ոտքեր ունեցող և թխադեմ աղջկան, հնարավոր է՝ սա հեքիաթ է…

Ճշմարտությունն այն է, որ նա գնաց՝ աչքերը աշնանային անձրևներով լի:

Դաշտավայր

Ես ապրում եմ Արարատի գողտրիկ դաշտավայրում: Դաշտավայրն այս կարծես բաժակ լինի, եզրում՝ լեռներ: Ես ապրում եմ երկրի ափի մեջ: Ես ապրում եմ ԱԲՈՎՅԱՆԻ վիրավոր ափերի մեջ:

Սիրտը (Երևանում)

Ծերացավ նկարիչը, սկսեց սիրտը ցավել: Նա դուրս եկավ տնից, ուղղեց երկար սպիտակ մազերը, աչքերը կկոցեց արևից և գնաց ընկերոջ՝ քարագործ վարպետի մոտ:

-Բարև՛, Հակոբ,-ասաց նկարիչը,-մենք երկար տարիներ ընկերություն ենք անում և շատ բան գիտենք. դու՝ քարի, ես՝ սրտի մասին: Մարդկային սրտերը շատ տարբեր են լինում: Լինում են մաքուր՝ ինչպես լեռնային բյուրեղապակի, լինում են թանկարժեք, ճառագող լույսի նման՝ ինչպես սուտակ (рубин), լինում են ամուր, ինչպես ադամանդ (алмаз), կամ էլ նուրբ` ինչպես դահանակ (малахит): Ես գիտեմ, կան և ուրիշները՝ դատարկները՝ ինչպես ծովային քարախիճ կամ կոպիտ՝ ինչպես չեչաքար (пемза): Ասա՛, վարպետ, ի՞նչ քարից է իմ սիրտը:

Քարագործը վառեց ծխամորճն ու ասաց.

-Քո սիրտը տուֆից է: Դու չպետք է շատ տխրես, որովհետև այն այնքան ամուր չէ, որքան ադամանդը: Տուֆը հազվագյուտ քար է, այն մարդկանց ջերմացնում է, իսկ քո սիրտը ցավում է, որովհետև տուֆը խոցելի է, բոլոր ձախորդությունները իրենց հետքը թողնում են սրտի վրա: Տուֆը քո՝ նկարչիդ, քարն է:

Նրանք դեռ երկար նստեցին՝ նայելով իրենց առջև փռված քաղաքի գեղեցիկ, տուֆակերտ կառույցներին, որոնց մեջ պահվում էին իրենց ստեղծող քարագործների և նկարիչների սրտերը:

Աղբյուրը՝  Последний Раунд. Издательство «Советакан грох». Ереван, 1984г.

Ռուսերենից թարգմանությունը՝  Նունե Մովսիսյանի

Կարող եք ծանոթանալ նաև՝  «Լեոնիդ Ենգիբարով» կայքէջին

Реклама

Об авторе Նունե Մովսիսյան

Բարի գալուստ
Запись опубликована в рубрике Թարգմանություններ с метками . Добавьте в закладки постоянную ссылку.

Один комментарий на «Լեոնիդ Ենգիբարյան «Մի քանի բառ Երևանի մասին»»

  1. Уведомление: Թարգմանություններ — Դասավանդողի մեդիադարակ

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s