Ժամանակն ընդունել բարակ շերտերով. սա նշանակում է դանդաղեցնել, համեմել, ինքդ քեզ լսել ներսից և որքան հնարավոր է երկար զգալ այն ամենի համը, ինչ տեղի է ունենում:

Խնձորի կամ պանրի, մսամթերքի կամ որևէ այլ ուտեստի բարակ շերտերը շատ ավելի լավ են փոխանցում համը:

Հենց բարակ շերտն է զգացողություններ բացահայտում: Լույսի ներքո այն կարող է ձեզ ցույց տալ բոլոր երակներն ու նուրբ երանգը: Բարակ շերտը փափուկ է և ճկուն: Ճիշտ այդպես մեր տոնական զգացողությունները տարիների ընթացքում բարակում են` դառնալով էլ ավելի խորը և նուրբ:

Ինձ համար դա շատ դժվար է, բայց այդպես ես հասնում եմ նրբանկատության և բավարարվածության: Ունենում եմ չափի և նուրբ հավասարակշռության գգացողություն, որը թույլ է տալիս ինձ լավ զգալ յուրաքանչյուր օր: Լավ զգալ ազատ ժամանակը և չշտապել ինչ-ինչ բաների հասնելու համար:

Ես ուզում եմ դադարեցնել զսպանակվել իմ ներքին պարուրակին` թույլ տալով վարվել այնպես, ինչպես ինքն է կարողանում: Ես գիտեմ` երբ ես լսում եմ ինքս ինձ, ապա կյանքում ավելի շատ եմ սկսում գեղեցկություն և իմաստ տեսնել:

Հենց այդ պատճառով ես առաջարկում եմ ժամանակն ընդունել բարակ շերտերով` դադար առնել շնչելիս և արտաշնչելիս: Զգալ, թե ինչպես է ամեն ինչ հոսում: Մենք ժամանակից և ուշադրությունից բացի ոչինչ չունենք: Ես այդպես եմ կարծում: Իսկ դուք ի՞նչ եք մտածում:

Աղբյուրը` Аглая Датешидзе

Ռուսերենից փոխադրությունը` Նունե Մովսիսյանի

Կարող եք ծանոթանալ նաև` Ագլայա Դատեշիձե «Եթե ձեր բախտը բերի»

Ագլայա Դատեշիձե «Այն միակը»

Ագլայա Դատեշիձե «Ես գիտեմ` հիմա կարդում ես այս տողերը»

Ագլայա Դատեշիձե «Մտերմության մանիֆեստ»