Բոլոր կարևոր մտքերն ու առօրյա ճշմարտությունները հասանելի են օրական քսանչորս ժամ, շաբաթը յոթ օր:

Դրանք, որպես տեղեկություններ, թռչում են օդի մեջ և ցանկացած պահի կարող են հայտնվել միայն նրանց մոտ, ովքեր պատրաստ են լինում այն ընդունել:

Անհնար է ուրիշի փոխարեն որևէ տիպի աճ գրանցել: Անհնար է ուրիշի փոխարեն որևէ շարժում անել: Ուրիշի փոխարեն անգամ հոգոց հանել հնարավոր չէ:

Ապրելն ավելի է հեշտանում, երբ դու վերջապես հրաժարվում ես մարդկանց «լավություն անելու» փորձերից: Կյանքը ձեռք է բերում մեկ այլ` միանգամայն փիլիսոփայական իմաստ, երբ դու պատասխան ես տալիս միայն քո փոխարեն: Եվ սկսում ես գնահատել բոլոր այն ինքնուրույն քայլերը, որոնք անում են քո շրջապատում գտնվող մարդիկ: Սա առանձին` քեզանից կախում չունեցող մեծագույն հրաշք է:

Աղբյուրը`  Аглая Датешидзе

Նկարը`  Նինո Չակվետաձեի

Ռուսերենից թոխադրությունը` Նունե Մովսիսյանի

Լինել այստեղ և հիմա` առանց ակնկալիքների կառուցման

Փոխադարձ սերն ու երջանկությունը շատ ավելի բարդ փորձություններ են, քան դժբախտությունն ու անպատասխան սերը:

Երջանկությունը կարող է ուղեկցվել տագնապով, կորցնելու վախով և այլ խրթին զգացումներով, մինչդեռ վշտի ժամանակ գործում է միայն մեկ ուղղությամբ ընթացող տեսանելի ճանապարհ. գոյատևել, դիմակայել, վերանայել և դուրս գալ:

Իսկ երջանկությունը`​ կյանքի շատ ավելի բարդ խնդիր է, անգամ կարելի է ասել փիլիսոփայական կատեգորիա է. լինել այստեղ և հիմա` առանց ակնկալիքների կառուցման:

Այդ իսկ պատճառով` նրան, ով չի կարողանում երջանկությանը դիմանալ, վերապատրաստման նպատակով ժամանակավորապես դժբախտություն է տրվում:

Ագլայա Դատեշիձե