Ճապոնական Toyota ընկերության հիմնադիր Սակիտի Տոյոտան մշտապես օգտվում էր «5 ինչուների» կանոնից: Անհասկանալի իրավիճակներում հայտնվելիս` նա գրպանից հանում էր այս մեթոդը. այն միշտ օգնում էր Տոյոտային:

Այս կանոնը շատ պարզ է: Ասենք թե` ուզում ես մուշտակ ունենալ:

Դու հարցնում ես ինքդ քեզ:

-Ինչո՞ւ եմ ես ուզում մուշտակ ունենալ:

Սա առաջին «ինչու»-ն է:

Պատասխան

-Որովհետև ես ուզում եմ զարմացնել բոլորին:

Օքեյ, այդ դեպքում` երկրորդ «ինչու»-ն:

-Ինչո՞ւ ես դու ուզում զարմացնել բոլորին:

Պատասխան

-Որովհետև ուզում եմ, որ ինձ վրա ուշադրություն դարձնեն:

Երրորդ «ինչու»-ն:

-Ինչո՞ւ ես ուզում, որ քեզ վրա ուշադրություն դարձնեն:

Պատասխան

-Որովհետև ես ինձ վստահ չեմ զգում:

Չորրորդ «ինչու»-ն:

-Ինչո՞ւ դու քեզ վստահ չես զգում:

Պատասխան

-Որովհետև ես ոչ մի կերպ չեմ կարողանում ինձ իրացնել` նստած եմ նույն տեղում:

Հինգերորդ «ինչու»-ն:

-Ինչո՞ւ չես կարողանում ինքդ քեզ իրացնել:

Պատասխան

-Որովհետև ես անում եմ այն, ինչն ինձ դուր չի գալիս:

Իսկ հիմա ասացեք խնդրեմ` այս ամենի հետ ի՞նչ կապ ունի մուշտակը:

Պարոն Սակիտի Տոյոտան սովորեցնում է, որ իր «5 ինչուների» մեթոդի հինգերորդ պատասխանի մեջ է թաքնված ցանկությունների արմատը` ​բուն պատճառը, որն առաջին հայացքից տեսանելի չէ: Հինգերորդ «որովհետև»-ն ի հայտ է բերում այն, ինչ քողարկված է մեր ցանկությունների հիմքում: Եթե կուզեք` հինգերորդ «որովհետև»-ն իրականում հենց դուք եք:

Սա շատ արդյունավետ միջոց է ստուգելու համար` ինչ ես իրականում դու թաքցնում, ինչն ես նույնիսկ ինքդ քեզ վախենում խոստովանել, դու ինչ ես ուզում իրականում և ինչն ես փայլերի տակ քողարկում…

Աղբյուրը`  Ֆեյսբուք

Ռուսերենից թարգմանությունը` Նունե Մովսիսյանի

Լուսանկարում` Սակիտի Տոյոտա

Գովազդ մեր եթերում 

 Տոյոտա ընկերությունը ներկայացրել է Պրիուս-ի արեգակնային մարտկոց-կտուրով վերջին մոդելը