Իմ մախմուր աղջիկը…աննկարագրելի հուզմունք…

Խոսք` Սիլվա Կապուտիկյանի
Երաժշտություն` Խաչատուր Ավետիսյանի

Մախմուր աղջիկ,
Քիչ տխուր աղջիկ,
Աչքերդ հազարախոս,
Շուրթդ լուռ աղջիկ:
Երնեկ նրան,
Ով որ կանգնի քո դռան,
Ջուրդ խմի, կաթնաղբյուր աղջիկ:

Նազով աղջիկ,
Թուխ մազերով աղջիկ,
Ծաղիկ ես, չթառամես
Մուրազով աղջիկ:
Մնա քնքուշ,
Բուրիր բույրով քո անուշ,
Աշխարհ լցրու երազով աղջիկ:

«Մախմուր» բառի բացատրությունը- թավշե (շատ նուրբ, փափուկ, քնքուշ, նրբամաշկ (փխբ․)