Մարդկային կյանքը սրբազան համաձայնագիր է:

Այն պատահական կամ անսպասելի իրադարձություն չէ: Ամեն անգամ երկրի վրա` հերթական կյանքից հետո, դուք հանդիպում եք լույսի` գրկախառնվելով լույսի հետ:

Դուք անվերապահորեն մաքրվում եք սիրո մեջ: Սիրո այդ տարածությունից եք նայում ձեր կյանքին:

Դուք դատապարտված չեք եղել, դուք դատապարտել եք ինքներդ ձեզ: Քանի դեռ գտնվում եք երկրի վրա` ինքներդ ձեզ դատապարտել եք նույն այն չափանիշներով, որոնցով դատապարտել եք ուրիշներին:

Չեք կարողացել ներել ուրիշների պատճառած ցավը, նույն այն ցավը, որ դուք պատճառել եք ուրիշներին: Դուք ապաշխարություն եք փնտրել: Չեք կարողացել ներել նրանց, ովքեր ձեզ ցավեցրել են: Դուք ծարավ եք եղել վրեժի:

Պայմանականությունների ուժը և չթույլատրված էմոցիաները, այսպիսով, ձեզ մղել են և դուք հայտնվել եք մահվան և կյանքի օղակի մեջ: Դուք ձեր ապագա կյանքը նախագծել եք համաձայն այն դասերի, որոնք դուք պարտավոր եք եղել սովորել ձեր ցանկությունները իրագործելու համար:

Աստված ցանկացած ժամանակ պատրաստ է իրականացնել ձեր աղոթքները: Կյանքը հարկադրանք չէ, այլ սեփական ընտրության արդյունք:

Եվ, որպեսզի կարողանաք ճեղքել կյանքի և մահվան օղակը, դուք պետք է կատարեք սրբազան պայմանագրի պայմանները` պետք է հրաժարվեք ցավ պատճառելուց ու ատելուց և սովորեք ներել ու սիրել:

Սրտի ծաղկումը և աստվածայինի զարթոնքը մեծ նվերներն են, որ կյանքը պահել է հենց քեզ համար:

Աղբյուր`  Ошо

Ռուսերենից փոխադրությունը` Նունե Մովսիսյանի

Կարող եք ծանոթանալ նաև  «Օշո» կայքէջին