«Մարդու կեցության գլխավոր խնդիրն ինքն իրեն կյանք հաղորդելն է, այն դառնալը, ինչ նա առավելապես հանդիսանում է: Նրա ջանքերի ամենակարևոր պտուղն իր սեփական անհատականությունն է»: Էրիխ Ֆրոմ

Լինել հոգեպես առողջ մարդ՝  նշանակում է ազատագրված լինել մանկամիտ հավակնություններից (инфантильных претензий) և հավատալ թեկուզ սահմանափակ, բայց քո իրական ուժերին:

Կարողանալ հաշտվել այն պարադոքսի հետ, որ մեզանից յուրաքանչյուրը Տիեզերքի ամենակարևոր մասն է և միևնույն ժամանակ՝  ճանճից և խոտից կարևոր չէ:

Ընդունակ լինել կյանքը սիրելու և դրա հետ մեկտեղ՝  մահն ընդունել առանց սարսափի:

Դիմանալ մարդկային կյանքի ընթացքում ծագող կարևոր հարցերի անորոշությանը, դրա հետ մեկտեղ՝  վստահ լինել սեփական մտքերի և զգացմունքների հարցում:

Կարողանալ ինքդ քեզ հետ մենակ մնալ և միևնույն ժամանակ՝ յուրաքանչյուր մեկի հետ ամբողջություն կազմել այս երկրի, գոյություն ունեցող ամեն բանի հետ:

Հետևել սեփական խղճի ձայնին, բայց և անձնատուր չլինել ինքնախարազանման:

Հոգեպես առողջ մարդը նա է, ով ապրում է սիրո, բանականության և հավատի մեջ, ով հարգում է կյանքը՝  ինչպես սեփական, այնպես էլ ուրիշների:

Աղբյուր՝   Эрих Фромм — Бегство от свободы

Ռուսերենից թարգմանությունը՝  Նունե Մովսիսյանի