Առակներ

Բառեր պետք չեն

Բասյոյին՝ ձեն-բուդդիստ  Վարպետին, մի անգամ հարցրին.

-Դուք աշակերտների հետ խոսելիս հակասում եք ինքներդ ձեզ:

Դուք ասում եք. «Ով գիտի, նա լռում է»: Բայց չէ՞ որ դուք չեք լռում: Ինչպե՞ս հասկանալ:

Բասյոն պատասխանում է.

-Խոսում են ուրիշները: Ես ասում եմ:

Բացիր քո գանձարանը

Դայդձուն Չինաստանում այցելեց ուսուցիչ Բասյոյին: Բասյոն հարցրեց.

-Ի՞նչ ես դու փնտրում:

-Լուսավորություն,-պատասխանեց Դայդձուն:

-Դու քո սեփական գանձարանն ունես: Ինչո՞ւ ես այն փնտրում ուրիշ տեղ,-հարցրեց Բասյոն:

Դայդձուն հարցրեց.

-Իսկ որտե՞ղ է իմ գանձարանը:

Բասյոն պատասխանեց.

-Այն, ինչ դու հարցնում ես, հենց դա էլ քո գանձարանն է:

Դայդձուն հասավ լուսավորության: Հետագայում նա միշտ ասում էր իր ընկերներին. «Բացիր քո սեփական գանձարանը և հանիր գանձեր այնտեղից»:

Բադեր

Բասյոն զբոսնում էր Խյակուձոյի հետ: Նրանք տեսան իրենց գլխավերևով անցնող վայրի բադերի: Բասյոն հարցրեց.

-Ի՞նչ է սա:

-Վայրի բադեր, -պատասխանեց Խյակուձեն:

-Ո՞ւր են գնում:

-Թռչում են հեռու, -պատասխանեց Խյակուդձեն:

Բասյոն բռնեց Խյակուձենի քթից և այպիսի ուժով քաշեց, որ վերջինս գոռաց ցավից:

-Մի՞թե դրանք թռչում են,-զայրացած ասաց  Բասյոն:

Նամակ մահամերձին

Բասյոն այսպիսի նամակ է գրում իր մահամերձ աշակերտներից մեկին. «Քո գիտակցության էությունը չի ծնվել, այդ իսկ պատճառով այն երբեք չի կարող մեռնել:

Այն, ինչ անցողիկ է, կյանք չէ: Դատարկությունը անօդ տարածություն չէ: Այն գույն չունի, ոչ էլ՝ ձև: Այն վայելքից հաճույք չի ստանում և չի տառապում ցավից:

Ես գիտեմ, որ դու ծանր հիվանդ ես: Ինչպես վայել է իսկական ձեն- բուդդիստ աշակերտին, դու արիաբար ես ընդունում այդ հիվանդությանը: Դու չես կարող իմանալ, ով է իրականում տառապում, բայց հարցրու ինքդ քեզ. «Ի՞նչ է գիտակցության էությունը»: Մտածիր միայն այս մասին: Քեզ այլևս ոչինչ պետք չէ: Ոչինչ մի արա: Քո վերջը, որը ամենևին էլ վերջ չէ, նման է մաքուր օդում հալվող ձյան փաթիլի:

Ռուսերենից թարգմանությունը՝  Նունե Մովսիսյանի

Լուսանկարը՝  astropro.ru-ից

Ծանոթագրություն. Ձեն-բուդդիզմը  բուդդայական ուղղություններից է: Ուսմունք և աշխարհայացք, որը նաև ապրելակերպ է: Առաջացել է 6-րդ դարում՝  Չինաստանում, ամենամեծ տարածում գտել է Ճապոնիայում: Ուսումունքի հիմքը՝ Բուդդայի և բոլոր էակների միասնականության մասին պատկերացումն է:

Կարող եք ծանոթանալ նաև՝ 

Փիլիսոփայական միտքը հին Չինաստանում

Բուդդայի 14 պատվիրանները

Արևելքի 7 մաքրության կանոնները