Երբ ծերանաս, հիշի՛ր…

47686612_2069181203158742_1743725953030291456_n

Եվ այսպես, սիրելի՛ս, երբ դու ծերանաս, հիշի՛ր…

Երբեք ոչ մեկին մի՛ սովորեցրու: Նույնիսկ, եթե հաստատ գիտես, որ դու ճիշտ ես: Հիշի՛ր, թե ինչպես էր դա քեզ նյարդայնացնում ժամանակին, իսկ դու հետևո՞ւմ էիր մեծերի խորհուրդներին…

Մի՛ փորձիր օգնել, եթե քեզ չեն խնդրում: Ոչ մեկին ոչինչ մի՛ պարտադրիր: Մի՛ փորձիր քո սիրելիներին պաշտպանել աշխարհի բոլոր դժբախտություններից: Ուղղակի սիրի՛ր նրանց:

Մի՛ բողոքիր առողջությունից, հարևաններից, կառավարությունից, կենսաթոշակային ֆոնդից: Մի՛ նմանվիր շենքի մուտքի մոտ նստող փնթփնթան պառավի:

Շնորհակալություն մի՛ սպասիր երեխաներիցդ: Հիշի՛ր`չկան անշնորհակալ երեխաներ, կան հիմար ծնողներ, ովքեր երեխաներից երախտագիտություն են ակնկալում:

Մի՛ ասա այնպիսի արտահայտություններ, ինչպիսիք են` «Ես քո տարիքում…», «Ես քեզ տվել եմ լավագույն տարիներս …», «Ես ավելի մեծ եմ, այդ պատճառով ավելի լավ գիտեմ …»: Դա անտանելի է:

Երբ դու թոռներ ունենաս, մի՛ պնդիր, որ նրանք «տատիկի» փոխարեն քեզ անունով դիմեն: Դա հիմարություն է:

Քո վերջին գումարը մի՛ ծախսիր երիտասարդացնող բուժումների վրա: Դա անիմաստ է: Ավելի լավ է դրանք ծախսել ուղևորության վրա:

Կիսամութ սենյակում մի՛ նայիր հայելու մեջ և դիմահարդարում մի արա: Մի՛ քծնիր ինքդ քեզ: Ուղղակի փորձիր հնարավորինս էլեգանտ տեսք ունենալ: Այո՛, հենց էլեգանտ, ոչ թե երիտասարդ: Հավատա՛ ինձ, այդպես ավելի լավ կլինի:

Հոգ տար քո տղամարդուն, նույնիսկ, եթե նա հիմա կնճռոտ, անօգնական, ամեն ինչից դժգոհ ծերուկ է: Մի՛ մոռացիր, որ նա ինչ-որ ժամանակ եղել է ջահել, ուժեղ և ուրախ: Անշուշտ, նա էլ այն քչերից է, ով քեզ հիշում է երիտասարդ, բարակիրան և գեղեցիկ: Եվ հնարավոր է, որ նա միակն է, ում դու իսկապես պետք ես հիմա…

Մի՛ փորձիր ամեն գնով ժամանակին հետևել` ​գլուխ հանել նոր տեխնոլոգիաներից, հասնել նորությունների մրցավազքի ետևից, անընդհատ նոր բաներ սովորել ​«կյանքից ետ չմնալու» համար: Դա ծիծաղելի է: Արա՛ այն, ինչը քեզ դուր է գալիս: Ինչքա՞ն: Դե՛, ինչքան որ կարողանում ես:

Ինքդ քեզ ոչ մի բանի համար մի՛ մեղադրիր: Դու երեխաներիդ և քեզ համար արել ես այն ամենը, ինչը կարողացել ես անել: Եվ գլխավորը` ցանկացած իրադրությունում պահպանի՛ր արժանապատվությունը: Մինչև վերջ: Փորձիր, սիրելի՛ս, սա շատ կարևոր է:

Եվ հիշի՛ր, եթե դու դեռ կենդանի ես, ուրեմն ինչ-որ մեկին դա պետք է…

Աղբյուրը` vk.com

Ռուսերենից թարգմանությունը` Նունե Մովսիսյանի
Լուսանկարը` Մելինե Մարտիրոսյանի

Об авторе Նունե Ռուբիկի Մովսիսյան

Բարև, բարեկամ: :)
Запись опубликована в рубрике Թարգմանություններ. Добавьте в закладки постоянную ссылку.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s