Թռչունները կմոլորվեն երամներում, ձկները՝ վտառներում, մեղուները՝ պարսերում, մրջյունները՝ բներում: Եվ մարդիկ, որոշ ժամանակով առանձնացված լինելուց հետո, կմոլորվեն խմբերում: Դա կախված չէ մարդկանցից, ուղղակի գալիս է մեծ սինխրոնիզացիայի ժամանակաշրջանը: Մենք կձգվենք դեպի յուրայինները՝ անկախ ամեն ինչից:
Մենք դուրս ենք գալիս դաժան կարանտինից ոչ թե կանոնների դիտավորյալ խախտման, ոչ էլ մարդկանց հիմարության կամ անփութության պատճառով: Բանն այն է, որ որոշ ժամանակ անց կսկսի գործել մեծ սինխրոնիզացիայի օրենքը, և մենք կսկսենք ձգել մեկս մյուսին:
Անջատումը կարող է լինել միայն ժամանակավոր: Երկար անջատումը մեզ խանգարում է միանալ ընդհանուր դաշտին: Եվ զրկում է ուժից: Հետևաբար, պետք չէ խստորեն դատել մարդկանց, դա բնազդ է, որն ավելի ուժեղ է, քան վախը: Երբ ուժեղ վախն անցնում է, թռչունները նորից երամ են մտնում: Միայն երամի մեջ նրանք գիտեն՝ որտեղ թռչել:
Եվ, երբ սահմանափակումները, այնուամենայնիվ, հանվեն, ինքներդ ձեզ անպայման լսեք՝ ո՞վ է ձեզ ամենաշատը ձգում: Ո՞ւմ հետ եք դուք ամենաշատը ցանկանում լինել: Ո՞վ է ձեզ մագնիսացնում: Այժմ դուք դա կզգաք հատկապես սուր և ուժեղ: Կզգաք ձեր երամին:
«Մարդկանց հոգիներն ինչպես մոբիլիզացված զորքեր»,-այսպես ասաց Մարգարեն: Նրանք կձգեն միմյանց այս սկզբունքով: Եվ պարզելը, թե դուք ում բանակում եք, այժմ հեշտ է իմանալը. նրանք այն մարդիկ են, ում հետ դուք կապը պահել եք սահմանափակումների ողջ ընթացքում: Նրանք են, ում մոտ դուք առաջինը կվազեք կամ ում ձեզ մոտ առաջինը կկանչեք, երբ այս ամենը վերջանա:
Ո՞ւմ հետ եք դուք ցանցի ներսում կապի մեջ եղել: Նրանք նույնպես ձեր մարդիկ են:
Ո՞ւմ եք կարոտել կամ ո՞ւմ եք հիշել, ո՞ւմ հետ եք մտովի զրուցել այս ամբողջ ընթացքում:
Այժմ առանձնակի ուժով է սկսել գործել ձգողության օրենքը: Եվ դուք առանձնակի կոնկրետությամբ կճանաչեք ձերոնց: Մոբիլիզացված զորքերը կրկին հավաքվում են իրար գլխի, սա առանձնահատուկ կարևոր ժամանակ է՝ յուրայիններին իմանալու և ուժը վերականգնելու համար:
Հատկապես նշանակալի են նոր կապերը և նոր կոնտակտները: Իսկ հին շրջապատից շատերը կհեռանան կամ արդեն գնացել են. նրանք «մեր մարդիկ չէին»:
Հիմա ձեր միջավայրը ստեղծելու ամենակարևոր ժամանակահատվածն է: Եվ, որպեսզի մտնես քո երամը և քո զորքը՝ հարկավոր է հետևել բնազդին և գնալ յուրայինների մոտ…
Աղբյուրը՝ Анна Кирьянова
Ռուսերենից թարգմանությունը՝ Նունե Մովսիսյանի
Կարող եք ծանոթանալ նաև` «Աննա Կիրյանովա» կայքէջ
Հայկական կակաչ (Papaver Armeniacum) 
Уведомление: Ինչ է սպասվում 2022 թվականին | Հայկական կակաչ (Papaver Armeniacum)