Գերմանացի հետազոտող Պետեր Վոլեբենը ոչ միայն սիրում է ծառեր, այլև իր կյանքը նվիրել է այս հրաշալի օրգանիզմների ուսումնասիրությանը:
Գիտնական, հեղինակ և ծառագետ (древовед) Վոլեբենը, Բրիտանական համալսարանի բնապահպան Սյուզան Սիմարի հետ, «Խելամիտ ծառեր» վերնագրով վավերագրական ֆիլմ է նկարահանել: Վոլեբենը գրում է. «Ծառերը կարողանում են ցավ զգալ և զգացմունքներ ունենալ, օրինակ` վախ: Նրանք սիրում են կանգնել իրար մոտիկ` կողք կողքի և գրկել միմյանց: Ծառերը պաշտում են հաղորդակցվել և չեն սիրում շտապողականություն»:
Եվ սա ամենը չէ, Վոլեբենը հաստատում է. «Ծառերի միջև գոյություն ունի բարեկամություն: Նրանց միջև, ինչպես տարեց զույգերի մոտ, ձևավորվում են որոշակի հարաբերություններ, նրանք հոգ են տանում միմյանց. ծառերը զգացմունքներ ունեն»:
Պարզվում է, որ ծառերը ոչ միայն բանականություն ունեն, այլ նույնիսկ տիրապետում են սրտի բաբախյունի նմանողությամբ ընթացող երևույթի:
Օրխուսկի (Դանիա) համալսարանի դոկտոր Անդրաս Զիլինսկին հետազոտության նպատակով լազերային սկանավորման է ենթարկել 22 ծառատեսակ և թփեր: 2015թ.-ին նա հրապարակեց հետազոտության արդյունքները` անսպասելի եզրահանգումներով:
Պարզվում է` ծառերի ճյուղերը գիշերվա ընթացքում մի քանի անգամ իջնում են ներքև, որը նման է ջրի մեջ շաքար լուծելու շարժին: Այլ կերպ ասած` երևույթը նման է պուլսացիայի:
Զիլինսկին գրում է. «Մենք հայտնաբերեցինք նախկինում անհայտ մի երևույթ. 1 սմ ամպլիտուդով տատանվող 2-ից 6 ժամ տևողությամբ ձգվող` ցիկլի նմանվող, ասել է թե` պարբերաբար կրկնվող շարժում: Այդ շարժումը, ըստ երևույթին, կապ ունի բույսերում առկա ջրի ճնշման հետ, այսինքն` ծառը, ինչպես պոմպ, ջուր է քաշում: Ասել է թե` բույսերի ջրամատակարարումը, ինչպես նախկինում էին կարծում, կայուն չէ:
Նախկինում կարծիք կար, որ գիշերը ծառերի որոշ տեսակներ ճյուղերն իջեցնում են մինչև 10 սմ, իսկ արևի դուրս գալուն պես` բարձրացնում: Այս գործընթացն այն աստիճան աննկատ էր, որ ոչ վաղ անցյալում մտածում էին, որ դա բնորոշ է միայն ծառերի քիչ տեսակների, մինչդեռ իրականում պարզվում է, որ սա շատ տարածված երևույթ է: Մասնավորապես, մագնոլիան գիշերվա ընթացքում ունենում է նման շրջանառության երեք ամբողջական փուլ, որը համապատասխանում է ջրամատակարարման ցիկլին:
Nikita Skorobogatov-Աղբյուրը` lifter.com
Ռուսերենից փոխադրությունը` Նունե Մովսիսյանի
Հայկական կակաչ (Papaver Armeniacum) 