Ֆրանսիացի գիտնական Ռենե Պիոշը մի այսպիսի հայտնի փորձ կատարեց: Նա մի ռոբոտ ստեղծեց: Այդ ռոբոտը, ըստ ծրագրի, անկանոն կերպով պիտի շարժվեր: Եվ, ահա այդ ռոբոտի մոտ դրեցին ձվից նոր դուրս եկած ճուտիկ: Ճուտիկը սկսեց ման գալ ռոբոտի ետևից` նրան ընդունելով մայր հավի փոխարեն: Այս երևույթը կոչվում է «դրոշմում»:
Հետո երեք օր ճուտիկին ռոբոտ մորից բաժանվեցին: Երեք օր հետո ճուտիկին կրկին սենյակ թողեցին, բայց այս անգամ տեղավորել էին թափանցիկ տարայի մեջ: Ռոբոտին կրկին միացրին, որը սկսեց առաջվա նման անկանոն շարժումներ կատարել:
Եվ գիտե՞ք, ռոբոտը փորձեց ժամանակի մեծ մասն անցկացնել իր ճուտիկի կողքին: Ճուտիկը տեսնելով սիրելի ռոբոտին` ծվծվաց և անհանգստացավ «ակվարիումի» ներսում, որովհետև չէր կարող մոտենալ նրան: Ռոբոտն ինքը մոտեցավ ճուտիկին` փորձելով հնարավորինս մոտ լինել․ ասես սատարում և մխիթարում էր նրան:
Տեխնիկայի և մարդու միջև գոյություն ունի էներգետիկ կապ: Բանն այն է, որ տեխնիկան կրում է մեր հոգու և էներգիայի մի մասը: Նա նման է մեզ սիրող ու պաշտպանող ընտանի կենդանուն, որը հավատարմորեն ծառայում է` մեզ ուղղված հարվածները վերցնելով իր վրա:
Մարդը կենդանացնում և հոգի է դնում այն ամենի մեջ, ինչի հետ էմոցիոնալ շփում է ունենում: Առաջանում են անտեսանելի էներգետիկ կապեր, ասենք` ձեր և ձեր համակարգչի կամ՝ ձեր և ձեր ավտոմեքենայի միջև…
Այսպես որ, սարքավորումների հաճախակի և անհիմն խափանումները նախազգուշացումներ են: Նախ ձեր հավատարիմ շունը կամ գեղեցիկ ձին իրենց վրա են վերցնում ձեզ ուղղված հարվածները և, եթե պաշտպանիչ միջոցներ չձեռնարկեք, գալիս է ձեր հերթը: Նման դեպքերում նայեք ձեր շրջապատը, ստուգեք ձեր առողջությունը, փորձեք խաղաղվել և դուրս գալ ինչ-որ մեկի հետ ունեցած հակամարտությունից:
Վերանորոգեք այն, ինչը հնարավոր է վերանորոգել: Իսկ այն, ինչը փչացել է վերջնական, ճիշտ կերպով, ասել է թե` երախտագիտորեն հրաժեշտ տվեք: Ոչ բոլոր ֆիզիկական գործընթացներն են ամբողջությամբ հասկանալի: Բայց կա նման երևույթ, և շատերը դա գիտեն անձնական փորձից:
Աղբյուր՝ Анна Кирьянова
Ռուսերենից թարգմանությունը՝ Նունե Մովսիսյանի
Հայկական կակաչ (Papaver Armeniacum) 