Ոսկե աշուն․ տերևները կարճ օրերի ոսկե թերթեր և ջինջ լազուր երկինք: Ոսկե աշունն ուղերձ է․ Երկնային Երուսաղեմի պատկերն է ու խորհրդանիշը, որտեղ ամեն ինչ փայլում է ոսկու և թափանցիկ ապակու պես: Իսկ աշնանային օրերն այդքան գեղեցիկ են, որովհետև նրանց մեջ հույսի ուղերձ կա։
Ոսկին հոգու անմահության պատկերն է, Արարչի ողորմության խորհրդանիշը:
Ոսկե աշունը խոստանում է, որ կա այլ կյանք և մեկ այլ աշխարհ: Եվ, որ կյանքը չի ավարտվում, երբ գալիս են ծերությունն ու մահը: Երկրային սահմաններից անդին կա ևս մի գեղեցիկ աշխարհ՝ ոսկե ու լազուր այգի։
Ոսկե աշունը պատգամ է և խոստում։ Բացիկ է՝ պոկված մի գեղեցիկ ոսկե այգուց, ոսկե քաղաքի կապույտ երկնքից, ուր հոսում է աննկարագրելի գեղեցիկ ու ոսկեգույն լույս։ Որտեղ չկա խավար և անհանգստություն, հիվանդություն և դժվարություն։
Ահա թե ինչու են մեզ տրվում այս կարճ լազուր-ոսկե օրերը․ այն դրախտի հույսի և ուրախության պատգամն է: Եվ հավերժական գեղեցկության խոստումը …
Օրվա մեջ գտեք հինգ րոպե և պարզապես կանգնեք ոսկե ծառերի մեջ՝ նայելով կապույտ երկնքին։ Զգացեք օդի մաքրությունը, երկնքի անսահման խորությունը: Վայելեք արևի ոսկե շողերի ջերմությունը: Եվ պարզապես հանգիստ շնչեք, խաղաղ նայեք և վստահեք հրաշալի աշխարհին։ Դա հազվագյուտ վիճակ է և հազվագյուտ րոպեներ. հենց այդ պահերին եք դուք ստանում աշխարհի օրհնությունը: Ամեն ինչ ամենալավն է, ամենապայծառն ու ամենաբարին: Սրանք են հենց ոսկե րոպեները և Կյանքի ոսկե էներգիան։
Այս պահերին կարելի է խնդրել այն, ինչ մեզ հատկապես անհրաժեշտ է.
Ոսկե սեր՝ հավատարիմ ու անկեղծ:
Ոսկու հարստություն, փող․ նախկինում դրանք նույնպես ոսկի էին։
Ոսկե ընկերներ՝ անկեղծ ու սիրող։
Ոսկե ճանապարհ դեպի երջանկություն, ոսկե փոփոխություններ:
Իսկ խնդիրներն ու անախորժությունները, որոնք շատ են երկրային կյանքում, անխուսափելի են։ Դրանք նման են աշնանային ցուրտ անձրևների և ամառվա կիզիչ շոգի, գարնան ցեխի ու ձմռան ցրտի: Այդպես էլ է լինում:
Բայց դրանց կողքին, որպես հաղորդագրություն հրաշալի աշխարհից, կա ոսկե աշուն: Եվ կան հոգու ոսկե րոպեներ, երբ դուք կարող եք ուժ ստանալ ապագայի համար …
Ռուսերենից թարգմանությունը՝ Նունե Մովսիսյանի
Լուսանկարը՝ անձնական արխիվից
Հայկական կակաչ (Papaver Armeniacum) 