20 րդ դարի սկզբին մի շոտլանդացի ֆերմեր տուն վերադառնալիս անցնում է ճահիճի կողքով: Հանկարծ լսում է օգնության կանչող ձայներ: Ֆերմերը շտապեց օգնության և տեսավ մի տղայի, որին ճահիճը քաշում էր իր անդունդը: Տղան փորձում էր դուրս գալ ահավոր քաշող ճահիճից, բայց նրա յուրաքանչյուր շարժումը դատապարտում էր նրան արագ մահվան: Տղան գոռում էր հուսահատությունից և վախից:

Ֆերմերը արագ հաստ ճյուղ կտրեց, զգուշորեն մոտեցավ և մեկնեց փրկարար ճյուղը  խեղդվողին: Տղան հասավ մի ապահով տեղ: Նրա ձեռքերը դողում էին, նա չէր կարողանում զսպել արցունքները, բայց գլխավորը՝ նա փրկվել էր:

— Ինձ հետ տուն արի,- առաջարկեց նրան ֆերմերը,- քեզ պետք է հանգստանալ, չորանալ և տաքանալ:

-Ոչ, ոչ,-  տղան թափահարեց գլուխը,- հայրս ինձ է սպասում: Հաստատ նա շատ անհանգստանում է:

Շնորհակալական հայացքով նայեց իրեն փրկողի աչքերին և փախավ…

Առավոտյան ֆերմերը տեսավ, որ իր տանը մոտեցավ մի շքեղ կառք, լծված շքեղ ցեղական ձիերի: Կառքից դուրս եկավ ճոխ հագնված մի տղամարդ և հարցրեց.

— Դո՞ւք եք երեկ փրկել իմ որդու կյանքը:

— Այո´, — պատասխանեց ֆերմերը:

— Որքա՞ն պետք է Ձեզ վճարեմ:

— Մի վիրավորեք ինձ, պարոն: Դուք ինձ ոչինչ պարտք չեք, որովհետև ես արել եմ այնպես, ինչպես կաներ նորմալ մարդը:

— Ոչ, ես չեմ կարող սա անտեսել, որովհետև տղաս շատ սիրելի է ինձ համար:  Ասեք ցանկացած գումար,- պնդեց այցելուն:

— Ես չեմ ուզում խոսել այս հարցի շուրջ: Ցտեսություն,- Ֆերմերը շրջվեց, որ գնա: Եվ  անդտեղ՝ պատշգամբ դուրս եկավ նրա որդին:

-Սա Ձե՞ր տղան է:- հարցրեց հարուստ հյուրը:

-Այո,-  հպարտորեն պատասխանեց ֆերմերը՝ դիպչելով տղայի գլխին:

-Եկեք այսպես անենք: Ես  ձեր տղային ինձ հետ Լոնդոն կտանեմ և կվճարեմ նրա ուսման համար: Եթե նա նույնքան ազնիվ է, ինչքան իր հայրը, ոչ դուք, ոչ ես, չենք զղջա այս որոշման համար:

Անցավ մի քանի տարի: Ֆերմերի տղան ավարտեց դպրոցը, հետո՝ բժշկական համալսարանը, և շուտով նրա անունը միջազգային ճանաչում գտավ որպես պենիցիլինը հայտնաբերած մարդու: Նրա անունն էր Ալեքսանդր Ֆլեմինգ:

Պատերազմից անմիջապես առաջ, թոքերի ծանր բորբոքումով Լոնդոնի հարուստ կլինիկաներից մեկը  փոխադրվեց այդ նույն պարոնի տղան: Ի՞նչ եք կարծում , ի՞նչը փրկեց նրա կյանքը այս անգամ : Այո´, պենիցիլինը, որը հայտնաբել էր Ալեքսանդր Ֆլեմինգը:

Հարուստ պարոնի անունը, որը կրթության էր տվել Ֆլեմինգին, Ռանդոլֆ Չերչիլ էր: Իսկ նրա տղայի անունը՝ Ուինստոն Չերչիլ, որը հետագայում դարձավ Անգլիայի վարչապետը: Ուինստոն Չերչիլը  ինչ- որ ժամանակ ասել է. «Քո կողմից արվածը , հետո կվերադառնա քեզ»