Լվացքի մեքենայի մեջ դնում են 6 գուլպա, հանում միայն 5-ը:

Ավտոմեքենայի վերանորոգումն արժի նշված գինը գումարած դրա հիսուն տոկոսը:

Հին ավտոմեքենան ավտոսպասարկման կենտրոն գնալու և տուն վերադառնալու հիանալի միջոց է:

Որքան փոքր է պետությունը, այնքան երկար է նրա հիմնը:

Պետք է վատատես լինել, երբ բախտդ բերում է, և լավատես` երբ չի բերում:

Յուրաքանչյուր խնդիր ունի երկու կողմ: Որպեսզի հասնես հաջողության, պետք է աջակցես երկուսին էլ:

Խիղճը աճում է իշխանության ծավալին հակադարձ համեմատական:

Ինչքան վատ են գործերդ փողային հարցում, այնքան մեծ է անսպասելի ծախսերի առաջացման հավանականությունը:

Այն, ինչ ես ուզում եմ գնել, ինձ չեմ կարող թույլ տալ, իսկ այն, ինչը կարող եմ, միևնույն է`չափազանց թանկ է:

Հիվանդ երեխայի հետ անհարժեշտ է վերաբերել ինչպես մեծի, իսկ հիվանդ մեծի հետ` ինչպես երեխայի:

Ինքան շատ են կառուցվում հիվանդանոցներ, և ինչքան շատ են հիվանդանոցներում դրվում մահճակալներ, այնքան շատ հիվանդներ են պառկում միջանցքներում:

Ցույց տուր ինձ քո բակտերիաները և կասեմ, թե ում հետ ես շփվում:

Այն փաստը, որ կարելի է վիրահատություն անել, դեռ չի նշանակում, որ անհրաժեշտ է այն անելը:

Ցանկացած առաջընթաց, որը նպաստում է մարդու երկարակեցությանը, մեծացնում է առողջապահական ծառայությունների նշանակությունը:

Որքան մեծ է համբերությունդ, այնքան երկար ես ստիպված սպասել:

Եթե ինչ-որ բան չափազանց շատ ես ուզում անել, ապա դա կամ անբարո է կամ արգելված, կամ էլ` վնասակար  կազմվածքի համար:

Ինչքան շատ են գրախանութները, այնքան շատ են չճարվող գրքերը:

Կարիերայի օրենքը կնոջ համար.

* մտածիր տղամարդու նման

* քեզ պահիր լեդիի նման

* աշխատիր ձիու նման:

Մարդուն տրված է սխալվելը, բայց ավելի հաճախ` իր մեղքը ուրիշի վրա գցելը:

Ձեռք բեր ընկերներ, քանի դեռ նրանք քեզ հարկավոր չեն:

Միայն հարավում ամառանոց ձեռք բերելով կիմանաս, թե ինչքան ընկեր ունես:

Լեոնարդ Ջեյմս Կալլագանը  հայտնի է նաև Արևային Ջիմ, Ջենտելմեն Ջիմ, Մեծ Ջիմ մականուններով:

1976-79թթ եղել է Մեծ Բրիտանիայի թիվ մեկ պաշտոնյան: Ցայսօր համարվում է Անգլիայի ամենաշատ պաշտոններ զբաղեցրած պաշտոնյան, ինչպես նաև` ամենաբարձրահասակ և ամենաերկարակյաց քաղաքական գործիչը:

Մահացել է  2005թ- ին, 93 տարեկան հասակում,  կնոջ`  Օդրինի,  մահվանից երկու շաբաթ անց:

Կալլագան.«Մերֆին լավատես է»:

Մերֆի.«Եթե ինչ որ անցանկալի բան կարող է տեղի ունենալ, ապա համոզված եղեք` այն անպայման տեղի կունենա»:

Կալլագան. «Լինում են պահեր, երբ ամեն ինչ հաջողվում է: Խուճապի մի մատնվեք, դա էլ կանցնի»:

Մերֆի.«Այն, ինչ պիտի փչանա, կփչանա»:

 Կալլագան.«Այն, ինչ թվում է, թե չի կարող փչանալ, մեկ էլ տեսար փչացավ»:

Մերֆի.«Եթե գործերը լավ են ընթանում,ապա մոտակա ժամանակներում էլ ավելի կլավանան»:

Կալլագան.«Եթե գործերը վատ են, ապա մոտակա ժամանակներում էլ ավելի վատթար կլինեն: Իսկ, եթե ձեզ թվում է, որ իրադրությունը լավանում է, ուրեմն ինչ-որ բան չեք նկատում»:

Մերֆի.«Եթե նույնիսկ Ձեր բացատրությունը այնքան պարզ է, որ բացառում է ցանկացած մտահոգություն, միևնույնն է, կլինի մեկը, ով քեզ կհասկանա սխալ»:

Կալլագան.« Եթե համոզված եք, որ ձեր գործողությունները կարժանանան համընդհանուր համաձայնության, միևնույնն է, կլինի մեկը, ում ձեր արածը դուր չի գա»:

Մերֆի.«Հնարավոր չէ, որ ինչ-որ բան ճիշտ չէ: Հնարավոր է, որ այն ուղղակի ճիշտ է թվում»:

 Կալլագան.«Եթե էքսպերիմենտը հաջողվել է, ուրեմն ինչ-որ բան այն չէ»:

Մերֆի.«Ցանկացած նախնական տվյալ, որը հուսալի է թվում և չի պահանջում որևէ  ստուգում, համոզված եղեք` սխալ է լինելու»:

Կալլագան.«Եթե աշխատանքը ձախողում է, ապա այն փրկելու  ցանկացած փորձ էլ ավելի կվատթարացնի»:

Մերֆի. «Այն, ինչ սկսվում է լավ, ավարտվում է վատ»:

Կալլագան.«Այն, ինչ սկսվում է վատ, ավարտվում է էլ ավելի վատ»:

Մերֆի.«Եթե գործը սկսելուց առաջ հեշտ է թվում, ուրեմն անխուսափելիորեն դժվար է լինելու»:

Կալլագան.«Եթե գործը սկսելուց առաջ դժվար է թվում, ուրեմն այն անհնար է անել»:

Ռուսերենից թարգմանությունը և ծաղկաքաղը`  Նունե Մովսիսյանի