Ինչ որ դուք լինեք, այն էլ ձեր ժամանակն է լինելու: Ինչ որ դուք ուզեք, այն էլ գալու է: Շիտակ ու անվեհեր լինեք և աշխարհին նայեք անվեհեր մարդու շիտակ հայացքով` ձեր առջև բացվելու է շիտակ մարդկանց շեն աշխարհը, ուր շնչելը թեթև է լինելու…Միայն թե պետք է պարտավորվեք ուժեղ ու շիտակ մարդու ձեր ընթացքի կողքին չանտեսել թույլերին, այլապես ձեր ետևը ընկճված ու չարացած մարդ եք թողնելու և համոզվա’ծ եղեք, որ նրա ծանր հայացքը ծանրացնելու է  ձեր քայլը, ձեր սիրտը նրանից չի ազատվելու: Ուրեմն` բարձրացրե’ք թույլերին և կտեսնեք, որ նրանց բարձրանալով` ինքներդ եք շտկվում, ձե’ր շունչն է բացվում, ձե’ր սիրտն է հրճվում և ձե’ր առջև ծավալվում, ջերմանում է շիտակ մարդկանց ձեր աշխարհը, ուր դուք գրեթե իշխան-իշխանուհի եք: Ինչ որ դուք լինեք, այն էլ ձեր աշխարհն է լինելու, ինչ որ ձեր միտքն ու հոգին` այն էլ ձեր ու մեր կյանքն է լինելու… Հրանտ Մաթևոսյան

Հայ ձեռագրային զարդանկարչութիւն (Վիեննայի մխիթարեան մատենադարան)

Հ.Գ. Ընդունեք, խնդրեմ, որպես ամանորյա ուղերձ