Աստված հեռու է, որովհետև մենք նրան չենք կարողանում տեսնել մեր կողքին:

Իրականում մեզ ոչինչ ավելի մոտիկ չէ, քան նա:

Ավելին՝  նա «այստեղ է և հիմա»:

«Աստված» բառը միայն նրա համար է, ով չի կարողանում գտնել «այստեղ և հիմա»-ն:

Բառերը, անունները, դավանաբանությունը, սուրբ գրերը, կրոնը, փիլիսոփայությունը. այս ամենը ստեղծվել են նրանց համար, ովքեր Աստծուն տեսնում են միայն հեռավորությունից:

Իսկ նրանք, ովքեր կապ չունեն Աստծո հետ, հավատում են նրանց, ովքեր կուրորեն կրկնում են, որ նա մոտիկ է:

Ահա՝  ինչու եմ ես ասում. «Հրաժարվի՛ր հեռվից:

Թո՛ղ դրախտը երկնքի:

Հրաժարվի՛ր ապագայի նկատմամբ ունեցած հույսերից, տե՛ս ժամանակի և տարածության ներկայությունը:

Եղի՛ր այստեղ և հիմա, և տես»:

Տե՛ս ակնթարթը վայրկյանի մեջ, տե՛ս ատոմը տարածության մեջ:

Ժամանակի մեջ ակնթարթը դադարում է ժամանակ լինելուց,

Տարածության մեջ ատոմը դադարում է տարածություն լինելուց,

Այստեղ և հիմա. չկա ո՛չ տարածություն, ո՛չ ժամանակ,

Ինչ որ մնա, դա էլ ճշմարտությունն է, Աստված, ինքը՝  էությունը:

Եվ դու… այդ էությունն ես:

Tat tvam asi. դու հենց դա ես՝  Ինքնակերտվածք:

Աղբյուրը՝  Ошо, Тат твам аси — ты есть это

Ռուսերենից թարգմանությունը՝  Նունե Մովսիսյանի

Կարող եք ծանոթանալ նաև  «Օշո» կայքէջին