Եթե իմանայիք` ինչքա՜ն ցավ կա լցված իմ ժպիտի անկյուններում…
Եթե իմանայիք` ի՛նչ ցուրտ խավար է թաքնվում ինձնից եկող լույսի տակ…
Եթե իմանայիք` ինչքա՜ն տառապանք կա ներումի մեջ իմ…
Եթե իմանայիք` ի՛նչ փոթորիկ է մոլեգնում խաղաղության իմ ափերին…
Եթե իմանայիք` ինչքա՜ն ամպուզամպ կա իմ երկնակամարում…
Եթե իմանայիք` ի՛նչ կռիվներ են գնում իմ մտքերում…
Եթե իմանայիք` ինչքա՜ն չասված բառեր են խրվել-մնացել իմ կոկորդում…
Եթե իմանայիք` լռությունն ինչպե՛ս է ճչում ներսում իմ…
Եթե իմանայիք` ինչքա՛ն սանձահարված քամիներ կան իմ հոգում…
Եթե իմանայիք` ի՛նչ որոտընդոստ կայծակներ են շանթում սրտում իմ…
Եթե իմանայիք` ինչքա՛ն դառնության կա իմ Սիրո քղանցքներում…
Եթե միայն իմանայի՜ք…
Ինչ լավ է, որ չգիտեք:
Նունե Մ.
Реклама
