Խոջա Նասրեդինն իր հարևանից մեղր խնդրեց: Հետն էլ սպառնալից ասաց.
-Եթե դու ինձ մեղր չտաս, ես կանեմ այն նույն բանը, ինչ արեցի երեկ երեկոյան: Էլի մեկը կար, ով ինձ մեղր չտվեց:
Հարևանը վախեցավ, մեղրը տվեց և հարցրեց, թե ի՞նչ է արել երեկ երեկոյան ահեղ Խոջան:
Խոջան պատասխանեց.
—Երեկ ես ստիպված էի թեյն առանց մեղրի խմել…
Նա, ով ձեզ ճնշում է և ստիպում է ենթարկվել, ամենայն հավանականությամբ, ազդեցության լծակներ չունի: Նա սպառնում է և խոստանում է դաժան հատուցում: Բայց իրականում նա ի՞նչ կարող է անել: Ձեզնից բողոքե՞լ: Որտե՞ղ և ո՞ւմ: Ձեզ տնից վռնդե՞լ: Եթե դուք այնտեղ գրանցված եք՝ թող փորձի: Ձեզ հարվածե՞լ: Բայց այդ դեպքում դուք կկիրառեք լծակներ, և նա կհայտնվի բանտում:
Պետք է դիտարկել, թե ազդեցության ի՞նչ լծակներ ունի նա, ով ճնշում է գործադրում և պահանջում: Իսկ հետո նայեք ձեր լծակները, որոնք դուք կարող եք կիրառել:
Դրանք երբեմն անհրաժեշտ է կիրառել, երբ պահանջները և սկանդալներն արդեն ձանձրացնում են: Թող թեյն առանց մեղրի խմեն, եթե չեն ուզում այն ձեռք բերել կամ մարդկայնորեն խնդրել…
Աղբյուրը՝ Анна Кирьянова
Թարգմանական հատվածը՝ Նունե Մովսիսյանի
Կարող եք ծանոթանալ նաև` «Աննա Կիրյանովա» կայքէջ
Հայկական կակաչ (Papaver Armeniacum) 