Ժամեր առաջ «Հայկական կակաչը» հատեց ընդհանուր այցելությունների մեկ միլիոնը։

«Հայկական կակաչը» «Մխիթար Սեբաստացի» կրթահամալիրի որդեգրած մեդիակրթության ծնունդ է, ուստի այն պատկանում է կրթահամալիրին: Ասել կուզի` կայքը որքան իմն է, երկու էդքան կրթահամալիրինն է: Սա առաջին բանն էր, որ ուզեցա ասել:

Հոգևոր-մշակութային այս կայքն ունի իր ձեռագիրն ու ոճը, իր հավատարիմ ընթերցողն ու օգտվողը: Եվ դա, ինչ խոսք, տարիների շարունակական աշխատանքի արդյունք է և հետևանք:

Ուզում եմ անպայման ասել նաև հետևյալը՝  ինչ արել եմ, արել-անում եմ սիրով ու հավեսով։ Երբեք և ոչ մի դեպքում մրցավազքի կամ պայքարի մեջ չեմ մտել՝  ինչ է թե այցելուների կամ հետևորդների թիվը շատանա։ Միայն այն հանգամանքը, որ «Հայկական կակաչը» բացվել-բացվում է՝ օգտակար լինելով շատերին, արդեն իսկ բավական է, որպեսզի ես ինձ լիուլի լավ զգամ։

Շնորհակալ եմ, ընթերցող ջան, որ կաս, գոյություն ունես, առանց քեզ, քո գոյության՝ գիրը հասցեատեր չէր ունենա․․․

Հարգանքով՝ Նունե Մովսիսյան