Հիմա գալիս է ժամանակը, երբ Աստծո  Թագավորությունը մոտենում է բոլոր քաղաքակրթություններին:

Նրանց, ովքեր պաշտում են ցանկասիրությունը, ձգվում են դեպի այլասերումները և հաճույքի պաշտամունքը դարձրել են իրենց կյանքի իմաստը:

Նրանց, ովքեր վաղուց ծառայում են իրենց բնազդներին և հանուն իրենց բավարարվածության պատրաստ են նախանձել, ստել, գողանալ, թալանել։

Աստծո Արքայությունը մոտենում է և նրանց, ովքեր վաղուց դադարել են կատարել պատվիրանները, բայց գնում են տաճար և իրենց հավատացյալ են համարում:

Նրանց, ովքեր փորձում են պահել պատվիրանները, բայց աղոթում են Աստծուն միայն իրենց պաշտպանության և բարօրության համար:

Նրանց, ում համար աղոթքն իրականում դարձել է առողջություն և հաջողություն ձեռք բերելու կախարդական ծես։

Աստծո Թագավորությունը մոտենում է բոլորին:

Տարբեր մարդկանց համար այս հանդիպումը տարբեր կլինի՝  մեկը կմեռնի, մյուսը կհիվանդանա, ինչ-որ մեկը փորձանքի մեջ կընկնի, մեկի երեխաներն ու հարազատները կմահանան։ Իսկ ինչ-որ մեկն էլ կառողջանա և իրեն երջանիկ կզգա:

Ամեն ինչ կախված է մարդու ներքին նպատակներից, այն բանից, թե ինչն է  նա համարում իր կյանքի իմաստը։ Գիտակցության մակարդակում մենք կարող ենք մի քանի վայրկյանում փոխել նպատակը, իսկ ենթագիտակցականում ամեն ինչ այլ է։

Մարդու ներքին ուղղվածությունը որոշվում է ոչ միայն աշխարհայացքով, այլև նրա մտքերի, զգացմունքների և արարքների ամբողջությամբ։ Եվ այդ ներքին կողմնորոշումը հսկայական իներցիա ունի:

Աղբյուր՝   С.Н. Лазарев Опыт выживания. Часть 5.

Ռուսերենից թարգմանությունը՝ Նունե Մովսիսյանի

Կարող եք ծանոթանալ նաև Սերգեյ Լազարև կայքէջին