Ֆորտունա (լատին․՝ Fortuna), հին հռոմեական երջանկության, դիպվածի և հաջողության աստվածուհի։

Կա մի հիանալի նշան, որ հուշում է՝ դուք մուտք եք գործում կյանքի լավ շրջան. պետք է արագորեն իրագործել ծրագրերը, եռանդով շարժվել դեպի նպատակը՝  օգտվելով ճակատագրի բարեհաճությունից: Ամեն ինչ կախված է՝ մենք որքանով ենք արդյունավետ կառավարում այդ շրջանը:

Նշանը, առավել քան, պարզ է՝ տեղի են ունենում հաճելի զուգադիպություններ:

Զարմանալի զուգադիպություններ, որոնք, ինչպես ասում էր Յունգը, թողնում են տարօրինակ զգացողություններ: Դրանք խիստ անձնական զուգադիպություններ են, այնքան, որ երբեմն ուրիշներին չես էլ կարող ասել: Այնպես, ինչպես մեր տեսած երազները, որոնք դժվար է վերապատմել: Սակայն մենք գիտենք, որ դրանք հրաշալի զուգադիպություններ են:

Երբեմն այդ զուգադիպությունները աննշան են: Կարծես թե առանձնահատուկ որևէ բան չկա, սակայն զգացողությունը, հենց այդ անձնական զգացողությունը ոչ մի բանի հետ չես շփոթի:

Կանգառ հասնելուն պես՝  անմիջապես գալիս է ձեզ անհրաժեշտ ավտոբուսը: Անմիջապես ձեր առջև բացվում է կայանատեղին, որը գտնելու համար սովորաբար երկար ժամանակ էր պահանջվում և, որը միշտ չէ, որ գտնում էիր: Կամ՝ քո առաջ ամենուր կանաչ լույս է վառվում:

Հանդիպում են ճիշտ մարդիկ, թեև դուք չէիք էլ սպասում, որ կհանդիպեք:  Դուք պատահաբար ստանում եք այն, ինչ ուզում էիք: Պարզվում է՝ դուք հազարերորդ այցելուն եք և նվեր եք ստանում: Ամեն ինչ համապատասխանում է ձեր ցանկություններին և մտադրություններին: Այդ երևույթը Յունգը անվանել է համաժամանակեցում (синхронистичность):

Հենց առաջին նման երջանիկ զուգադիպության համար հարկավոր է մտքում երախտագիտություն հայտնել: Արձանագրել, տեսնել «կանաչ միջանցքը» և օգտվել դրանից: Դա «հաջղոության գոտի» է, սպիտակ տարածք: Դուք կարող եք  երկարացնել այն, եթե կենտրոնանաք լավ իրադարձությունների վրա: Դրանք հնարավորություններ են, որոնք հայտնվում են կյանքի ճանապարհին:

Հարկավոր է ճիշտ գործել՝ կյանքի կոչել ծրագրերը և լուծել խնդիրները, որովհետև այդ ընթացքում ավելի մեծ է հավանականությունը, որ ամեն ինչ կստացվի: Դա լավ շրջանի սկիզբն է…

Աղբյուր՝  Анна Кирьянова

Ռուսերենից թարգմանությունը՝ Նունե Մովսիսյանի

Լուսանկարում՝ Ֆորտունայի անիվը (վիքիպեդիա)