«Անհատական համակարգիչ-դասընկեր» ծրագրի զարգացման հնարավոր ուղղությունները

Այս տարվա սկզբից միջին դպրոցի 8.3 դաս.-ում կիրառվում է «Անհատական համակարգիչ- դասընկեր» ծրագիրը: Ծրագրի մեկնարկման ժամանակ սովորողներն իրենց անհատական  համակարգչում բոլոր առարկաների համար բացեցին համապատասխան թղթապանակներ, ընդհանուր թվով` 18-20: Սովորողների անհատական հաշվետվություններից պարզ դարձավ, որ յուրաքանչյուր առարկայի թղթապանակ հիմնականում ներառում է ևս երեքը`

  • թղթապանակ, որտեղ սովորողները գործնական աշխատանքներ են կատարում այս կամ այն առարկայից. այդ թղթապանակը պայմանականորեն կոչում ենք մեդիատետր.
  • թղթապանակ, ուր հավաքվում են տվյալ առարկայի ինքնաստուգման, ստուգման թերթիկներ, այլևայլ առաջադրանքներ.
  • թղթապանակ, որտեղ ուսումնական նյութեր են, էլեկտրոնային խաղեր, տեսանյութեր և այլն:

Եթե առաջին երկու թղթապանակները մեծ մասամբ նույն բովանդակությունն ունեն և ընդհանուր են բոլոր սովորողների համար, ապա երրորդ թղթապանակի կառուցվածքը, ելնելով առարկայի առանձնահատկություններից, տարբեր է լինում: Օրինակ`հայոց լեզվի թղթապանակում հավաքվում են կայքի համար գրված նյութեր, թարգմանություններ, գրականությանը` տեսանյութեր, ռադիոնյութեր, հասարակագիտությանը` սոցիոլոգիական հարցաշարեր, ֆիզիկայինը` էլեկտրոնային ուսումնական փորձեր և այլն:

Մեկ ընդհանուր թղթապանակ էլ կա մեդիագրադարանանվամբ, ուր զետեղված են այն թվային դասագրքերը, որոնք օգտագործում ենք դասերի ժամանակ. դրանք առայժմ երկուսն են` Սուսան Մարկոսյանի «Մայրենիի ընթերցարանը» և Մայիս Նիկողոսյանի «Գարձարանը»:

8.3 -ում դասավանդող ուսուցիչների բարեխիղճ ու հետևողական աշխատանքի արդյունքում ունենք երկրորդ կիսամյակի համար նախատեսված երկու փաթեթ`

  • առաջադրանքների
  • ուսումնական նյութերի:

Կարծում եմ` զարգացնելով այս երկու ուղղությունները, մենք հաջորդ տարի արդեն կունենանք առարկայական ամբողջական փաթեթ` նախատեսված «Անհատական համակարգիչ- դասընկեր» ծրագիրը կիրառող դասարանների համար:

Առարկաների համար նախատեսված թղթապանակների առկայությունը լուծում է մեկ այլ`ըստ իս շատ կարևոր հանգամանք ևս: Խոսքս ամենամսյա, կիսամյակային և տարեկան հաշվետվությունների մասին է:

Մոտավոր հաշվարկով, 8.3 դասարանի յուրաքանչյուր սովորող իր անհատական համակարգչում ունի 60-70 թղթապանակ, ուր հիմնականում համակարգված, կանոնակարգված են տարաբնույթ էջեր, նկարներ, նյութեր և այլն, և այլն: Փորձը ցույց տվեց, որ այս ամենը առանց էական դժվարության, կարճ ժամանակում կարելի է ի միբերել, ամբողջացել և մեդիահաշվետվությանձևով ներկայացնել: Մեդիահաշվետվությունն այլևս իրողություն է: Այն, ինչ խոսք, հաշվետվության շատ ավելի արդյունավետ ձև է, որովհետև տեսանելի, պատկերավոր և ամբողջական է դարձնում կատարված աշխատանքը: Սովորողները իրենց ստեղծած նյութերը, տեսանյութերը, ուսումնական նյութերը տեղադրում են Mskh.am, SkyDrive,  YouTube.com,  Slideshare.net կայքերում և հղումները` որպես կատարված աշխատանքի արդյունք, ուղարկում ուսուցչին:

Զարգացման մեկ այլ ուղղություն կարող է լինել անհատականմեդիադասագրքերիստեղծումը:  Որպես օրինակ կարող եմ բերել գրականության անհատական դասագրքի ստեղծումը:  Յուրաքանչյուր սովորող ունի իր նախասիրությունները, իր սիրած գրողներն ու հոգեհարազատ ստեղծագործությունները: Մեկտեղելով այս ամենը` կարելի է ունենալ ոչ միայն անհատական գրականության մեդիադասագիրք, այլ նաև անհատական աուդիոգիրք, վիդեոգիրք: Դրա նմուշները մենք արդեն ունենք`

Բավականաչափ մանրամասն և ուշադիր ուսումնասիրություններից հետո տեսանելի են դառնում «Անհատական համակարգիչ- դասընկեր» ծրագրի կազմակերպման  հետագա զարգացման հնարավոր ուղղությունները.

  • առաջադրանքների առարկայական փաթեթի ստեղծում
  • ուսումնական նյութերի առարկայական փաթեթի ստեղծում
  • մեդիագրադարանի ընդլայնում, համալրում թվային դասագրքերով, գրքերով
  • մեդիադասագրքերի ստեղծում` ձայնա- և տեսա- տարբերակներով:

«Անհատական համակարգիչ- դասընկեր» ծրագրի ամենամեծ առավելությունները, իմ կարծիքով, ուսուցման  անհատականացումն է,  ուսման հիմնավորված ու արդյունավետ արագությունը, սովորողի կատարած աշխատանքի թափանցիկությունը:

Հոդվածը` Նունե Մովսիսյանի

Об авторе Նունե Ռուբիկի Մովսիսյան

Բարև, բարեկամ: :)
Запись опубликована в рубрике Մեդիակրթություն. Добавьте в закладки постоянную ссылку.

1 отзыв на “«Անհատական համակարգիչ-դասընկեր» ծրագրի զարգացման հնարավոր ուղղությունները

  1. Уведомление: Հետադարձ հայացք իմ ու իմ կրթահամալիրի կյանքին | Հայկական կակաչ (Papaver Armeniacum)

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s