Հայոց լեզվի, գրականության ուսուցման արդյունավետության գնահատում

Արդեն իրողություն է` դպրոցում հայոց լեզվից ու գրականությունից սովորողի աշխատանքի գնահատումը այլևս չի կարող նախկին ձևով լինել, քանի որ տեղեկատվական փոփոխության հետ փոխվել են նաև կրթության նկատմամբ պահանջները, վերաբերմունքը, գիտելիքը: Եթե ավանդաբար դասավանդողների անելիքը հիմնականում սահմանումներ տալն ու ստուգելն էր ու, ըստ այդմ, գնահատականներ դնելը, ապա այսօր սովորողի համար այդ գնահատականները դադարում են գիտելիքի ձեռք բերման խթան լինելուց:

Ուսումնասիրելով կառուցողական ուսուցման մեթոդական մշակումները` ներկայացնում եմ ուսումնասիրության արդյունքը:

Կառուցողական ուսուցման մեջ արդյունավետ դասավանդում իրականացնելու համար գոյություն ունեն ուսումնառության չափանիշներ, որոնք ի սկզբանե ստեղծվել են ուսուցիչներին օգնելու համար և, որոնց գործնական կիրառումը նպաստում է յուրացման գործընթացի արդյունավետության բարձրացմանը:

Ուսումնառության չափանիշներն են`

  • դրական դիրքորոշում և պատկերացում ուսումնառության առարկայի մասին
  • գիտելիքի ձեռքբերում և գիտելիքների միավորում, համադրում
  • գիտելիքի յուրացում և կատարելագործում
  • գիտելիքի նպատակային կիրառում:

Այլ կերպ ասած` կառուցողական ուսուցման մեջ շեշտը դրվում է գործունեության գնահատման վրա: Գործունեության գնահատումը վերաբերում է այն բազմազան առաջադրանքներին ու իրավիճակներին, որոնցով սովորողը հնարավորություն է ստանում դրսևորելու գիտելիքի իր ըմբռնումը, կարողանում է կիրառել ձեռք բերած գիտելիքները, հմտություններն ու մտածելու կարողությունը: Այս գնահատումն իրականացվում է ժամանակի ընթացքում` հիմնվելով շոշոփելի արդյունքի կամ դիտարկելի գործունեության վրա: Նման մոտեցումը խրախուսում է ինքնագնահատումը և սեփական արդյունքների վերանայումը, պահանջում արդյունքների հրապարակում-գնահատում:

Ուսուցման արդյունավետության գնահատման ձևերը բազմազան են`

  • էլեկտրոնային թղթապանակներ
  • գրավոր հաշվետվություն
  • բանավոր հաշվետվություն
  • խմբային քննարկումներ
  • բանավեճ
  • նյութի տպավորիչ ներկայացում, ելույթ
  • տեսանյութեր, ռադիոնյութեր, հրատապ նորություններ
  • լուսապատկերներ (սլայդ)
  • մեդիահաշվետվություն
  • ձայնագրքեր և տեսագրքեր

Հենվելով ուսուցման գնահատման նմանատիպ ձևերի, «Ստեղծողի դպրոց. անհատի կրթական պատվեր. մեդիահանրակրթություն» ծրագրի առարկայական ծրագրերի վրա` հավելում եմ միջին դպրոցում հայոց լեզվի, գրականության ուսուցման արդյունավետության գնահատման իմ փորձը:

Սովորողի կիսամյակային գնահատականը ձևավորվում է հետևյալ կերպ:

4-5 միավոր

  • Գործնական քերականության, գրական ընթերցանության նվազագույն պարտադիր մասը` քերականական վարժությունների և գրականագիտական առաջադրանքների կատարում. շաբաթական տասը հատ (կիսամյակում` 40), խոսքի մշակման նվազագույն աշխատանք՝ 5-6 նյութ կայքում, այդ թվում՝ սահմանված կարգով հապարակված ամսական հաշվետվությունները։

6-7 միավոր

Գործնական քերականության, գրական ընթերցանության նվազագույն պարտադիր մասը կատարելուց բացի խոսքի մշակման աշխատանքի ապահովում`

  • լրատվություն, կայքի համար նյութի ստեղծում շաբաթը մեկ անգամ (կիսամյակում` 15)
  • կայքում քննարկման մասնակցություն (գրավոր արձագանք), կրթահամալիրի կայքի և այլ ԶԼՄ-ների հրապարակումներին արձագանք. շաբաթը մեկ անգամ (կիսամյակում` 15)
  • կայքի համար ստեղծված այլ նյութ` այլալեզու ԶԼՄ-ներից թարգմանություն, ռադիոնյութ, տեսանյութ. շաբաթը մեկ անգամ (կիսամյակում`15)
  • ամսական և կիսամյակային հաշվետվությունների սահմանված կագով հրապարակում։

8-9 միավոր

  • քերականական, գրական ընթերցանության ինքնակամ, արդյունավետ, ստեղծագործական աշխատանք
  • արդյունավետ աշխատանք info-mskh-ում (շաբաթական 4 և ավելի նյութ)
  • ուսումնահետազոտական աշխատանք (ուսումնական նյութերի, ուսումնական տեսանյութերի ստեղծում)
  • սահմանված կարգով ներկայացվող ամսական և կիսամյակային հաշվետվություններում հարցի բարձրացում, ուսումնական գործունեության կազմակերպման և արդյունքների վերլուծություն

10 միավոր

  • երբ թվարկվածին ավելանում է նաև մեդիաօլիմպիադայի, թարգմանության ստուգատեսի, Հանրակրթական Դիջիտեքի, այլընտրանքային մեդիափառատոնի մրցանակ։

Սովորողի կիսամյակային գնահատականը ձևավորվում է ըստ կատարած աշխատանքի թվային և որակական հատկանիշների (քանի աշխատանք, ինչպես է կատարված): Ուսուցչի սուբյեկտիվ վերաբերմունքի ազդեցությունը գնահատականի վրա այս ձևով նվազագույնի է հասնում, քանի որ գործ ունենք արդեն հրապարակված աշխատանքի հետ։
Գիտելիքը անհատական է, և որքան իրական-շոշափելի-կիրառվող է այն այսօր, այնքան ավելի հավանական է դառնում հետագայում դրա գործածությունը: Այս հանգամանքն են փաստում նաև աշխարհում կատարված ուսումնասիրությունները: Դրանք ցույց են տալիս նաև, որ, ի վերջո սովորողները հետագայում կիրառում են դպրոցում ստացած գիտելիքի ընդամենը 5-ից 7 %-ը:
«Ինչպիսի աշխատանք է պահանջում դպրոցներից» թեմայով արված ուսումնասիրությունների հենքի վրա մշակվել են ժամանակակից աշխատատեղերը գրավելու հավակնորոդներին անհրաժեշտ ուսումնական և ոչ ուսումնական մի շարք կարողություններ`

  • ստեղծագործական մտածողություն
  • որոշումների կայացման կարողություն
  • սովորել սովորելու կարողություն
  • համագործակցելու կարողություն
  • ինքնակառավարում:

Աղբյուր`
«Կառուցողական կրթության հիմունքները և մեթոդները»
Պրոտոպոպովա Վ.Վ., «Համակարգչի և համացանցի ներառումը ուսուցման մեջ» 

Հեղինակ`  Նունե Մովսիսյան

Об авторе Նունե Ռուբիկի Մովսիսյան

Բարև, բարեկամ: :)
Запись опубликована в рубрике Մեդիակրթություն. Добавьте в закладки постоянную ссылку.

9 отзывов на “Հայոց լեզվի, գրականության ուսուցման արդյունավետության գնահատում

  1. Уведомление: Գնահատման կարգ | Հայկական կակաչ (Papaver Armeniacum)

  2. Уведомление: Սովորողի պարտադիր և ոչ պարտադիր ուսումնական աշխատանքի գնահատում | Հայկական կակաչ (Papaver Armeniacum)

  3. Уведомление: Սովորողի ուս. աշխատանքի գնահատում | Հայկական կակաչ (Papaver Armeniacum)

  4. Уведомление: Գնահատման համակարգ | Հայկական կակաչ (Papaver Armeniacum)

  5. Уведомление: Դիջիամփոփում 2011-2015 | Հայկական կակաչ (Papaver Armeniacum)

  6. Уведомление: Գնահատման համակարգ | Հայկական կակաչ (Papaver Armeniacum)

  7. Уведомление: Գնահատման համակարգ | Mediaeducational blog

  8. Уведомление: Գնահատման համակարգ (լրամշակված) | Հայկական կակաչ (Papaver Armeniacum)

  9. Уведомление: Գնահատման համակարգ — Դասավանդողի մեդիադարակ

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s