Հայոց ծիսական ուտեստները նախ և առաջ ունեցել են բուժիչ կամ կանխարգելիչ հատկություններ այս  կամ այն հիվանդությունների դեպքում

Մատաղ

Գառան կամ աքլորի միսը եփել, վրան խոշոր աղ ավելացնել ըստ ճաշակի:

Խորոված խնձոր

10 մանր խնձոր

½  բ. շաքարավազ

½  բ.  ընկույզ

դարչին, մեխակ

Խնձորի պոչերը հեռացնել և փոս ընկած տեղից դանակով անցք բացել, մեջը լցնել մեխակ, ընկույզի խոշոր, ծեծած միջուկ և շաքարավազ: Փոքր կաթսայի մեջ երկու ճաշի գդալ շաքարավազի վրա ավելացնել կես բաժակ ջուր և լցոնված խնձորները դնել մեջը: Կաթսայի կափարիչը ծածկել և եփել մարմանդ կրակի վրա, 15 րոպե: Այնուհետ սառեցնել, խնձորի վրա շաքարավազ ցանել և մատուցել իբրև քաղցրավենիք:

Նազուկ

3 բ. ալյուր

50 գր կարագ

1 բ. շաքարավազ

1 բ. կաթ

5 ձու

2 թ. գ. թթխմոր

շաֆրան, դարչին

վանիլին, աղ

Հարել շաքարավազն ու ձուն, ավելացնել կարագը, ապա կաթն ու համեմունքը: Աստիճանաբար ավելացնել ալյուրը, հունցել: Խմորը ծածկել սրբիչով և մոտ 1 ժամ պահել տաք տեղում: Պատրաստի խմորը բաժանել 5 գնդի, յուրաքանչյուր գնդից ձևավորել 2 սմ հաստությամբ բլիթ: Բլիթները սրբիչով ծածկել, 15 րոպե անց թիթեղաթերթով դնել տաք ջեռոցը: Նազուկը պատրաստ կլինի 25-30 րոպեից:

Ագդակ

1 բ. ալյուր
1 ձու

50 գր կաթի սեր

1 թ. գ. սոդա

յուղ՝ տապակելու համար

Հունցել խմորը, թողնել հանգչի 25-30 րոպե: Ապա խմորը բաժանել գնդերի: Դրանք գլորելով երկարացնել` տալով գլանի ձև, մի փոքր տափակեցնել, բաժանել 5 սմ կտորների և տապակել տաք յուղի մեջ: Վրան մեղր լցնել և մատուցել տաք վիճակում:

Գառան մսով բանջարեղեն

1 կգ գառան միս

2 կարտոֆիլ

2 սմբուկ

2 լոլիկ

2 պղպեղ

2 սոխ

աղ

Շերտել բանջարեղենը, կտրատել միսը: Կաթսայի տակ շարել միսը, վրան լցնել լոլիկը, կարտոֆիլը, դարձյալ միսը, ապա` սոխը, սմբուկը, պղպեղը… այդպես, մինչև կաթսայի բերանը: Վերջում ավելացնել կես բաժակ ջուր, կաթսայի բերանը ամուր փակել և կախել մարմանդ թոնիրի մեջ:

Աղբյուրը` «Հայկական խոհանոց», http://ankakh.com/2012/07/225421/

Լուսանկարը՝  http://www.yerakouyn.com/?p=38875

Կարող եք ծանոթանալ նաև՝  «Վարդավառ» մեդիափաթեթին