Ամանորի նախօրեին մաքրում էին բնակարանը և հնարավորինս դուրս էին նետում անպետք իրերը: Ըստ պատկերացումների, հնացած իրերը դեպի իրենց են ձգում չարին, իսկ ձեռբազատվել հնամաշ իրերից` նշանակում է հեռու վանել  չարը: Բացի այդ, նորոգվում էին տան քանդված մասերը:

Մաքրվում էր տան կահ-կարասին և լվացվում էր սպիտակեղենը:

Տունը մաքրելուց հետո ընտանիքի բոլոր անդամները լողանում էին և հագնում տոնական հագուստ, ցանկալի է` նոր հագուստ:

Ընդունված էր գժտվածներին հաշտեցնել թե տանը, թե հասարակական միջավայրում:

 Նախ, այդ օրը խուսափում էին որևէ մեկին փոխ տալ, հատկապես` թթխմոր, դրամ, առհասարակ ծախս չէին անում:

Առավոտյան տան դուռը առաջինը տան մեծն էր բացում, որպեսզի նա շատ տարիներ իր տանից անպակաս լիներ:

Առավոտյան վաղ նոր բերած   ջուրը հեղում էին տան անկյուններում` տան առատությունը ապահովելու համար:Միմյանց նվերներ էին տալիս, հատկապես մեծերը` փոքրերին: Տանը դուռը երբեք չէր փակվում:

Ամանորյա մաղթանքներ

Տունը շեն իլի,

Բարաքյաթ իլի,

Միշտ ջոմարդ իլեք

Մեզ էլ միշտ հիշեք:

Շնորհավոր նոր տարի,

Ձեր տունը շեն իլի,

Պարով նոր հագնեք,

Միշտ ուրախ իլեք:

Լիքը հորեր շատ ունենաք,

Կարմիր օրեր շատ ունենաք,

Կարմիր օրով, կարմիր շորով,

Ուրախ կենաք միշտ կուշտ փորով:

Շնորհավոր ձեր նոր տարին, առատ, ուրախ, անկորուստ տարի լինի, բարով հասնեք մեկ էլ էս օրվան, առողջ, երջանիկ լինեք, բոլոր պանդուխտները վերադառնան:

Հրանուշ  Խառատյան