Ձեր օգտագործած սնունդի 20%-ը պարունակում է 80% ճարպեր, ձեր հարևանների 20% -ը ստեղծում է աղմուկի 80% -ը: Ձեր գրասենյակի աշխատանքի 80% -ը կատարում է աշխատողների 20%-ը:

80/20 հարաբերությունը դուք կհանդիպեք ամենուր:

1897 թ. իտալացի տնտեսագետ Պարետո ազգանունով մեկը հաշվարկեց` անգլիացի ընտանիքների  20%-ը տնօրինում է բրիտանական կապիտալի  80% -ին: Պարետոն այս հանգամանքը հաստատեց իր այգու կանաչ ոլոռի բերքով. սերմի  20%-ը տալիս է ընդհանուր բերքի  80% -ը:

Այս օրինաչափությունը  գործում է բոլոր հանգամանքներում և բոլոր դեպքերում:

Պարետոյի սկզբունքը կարելի է ձևակերպել հետևյալ կերպ. ցանկացած իրավիճակում փոքրամասնությունը  միշտ ավելի կարևոր է և  օգտակար, քան բոլոր մնացածները: Գործնականում ամենուր գործում է հետևյալ պատկերը.

Բիզնեսմենների համար

Հաճախորդների  20% -ն է ապահովում ձեր եկամուտի 80%-ը: Ձեր կողմից հենց նրանք առանձնակի ուշադրության պետք է արժանանան:

Ուսանողների համար

Դասագրքի էջերի 20% -ն է պարունակում  անհրաժեշտ տեղեկատվության 80% — ը: Կենտրոնացեք 20%-ի վրա և վերցրեք նոր գիրք:

Բոլորի համար

Մեր ոչ բոլոր  առօրյա խնդիրներն են հավասարապես կարևոր: Նախատեսված 10 գործի դեպքում (մնացած ութի հետ համեմատած) առավել կարևոր են երկուսը: Մենք պետք է սովորենք ճանաչել հենց այդ 20%-ը և սկսենք դրանցից: Եթե դուք չեք կենտրոնանում գործի 20%-ի վրա, ապա  ապարդյուն վատնում եք ձեր ժամանակի 80%-ը: Մենք երբեք չենք կարող կատարել մեր բոլոր գործերը, սակայն  գլուխ կհանենք 20 %-ից: Ձեզ մի կոտորեք մնացած 80%-ի համար:

Ոչ թե միանգամից փորձել անել ամբողջը, այլ սովորել գտնել գերակա ու առաջնահերթ գործը. սա կարևորագույն հատկանիշ է:

Սկզբում գերակայությունները չեն կարող լինել ամբողջովին ճշգրիտ, բայց կամային դրսևորումների` կանոնավոր վարժությունների և հստակ շեշտադրումների դեպքում միանգամայն հնարավոր է հասնել շոշափելի արդյունքների:

Առանձնացնել գլխավորը և ջանքերն ուղղել այդ աշխատանքը կատարելուն. սա է խնդիրը:

Այլ կերպ ասած,  ունեցեք գլխավոր  նպատակ և առաջնորդվեք հիմնական արդյունքով, որովհետև գլխավորը ոչ թե առավելագույն ջանքեր գործադրելն է, այլ այդ ջանքերը նպատակակետին ուղղելը:

Լուսանկարը՝   mskh-ից

Ռուսերենից թարգմանությունը` Նունե Մովսիսյանի