Գնահատման համակարգ (լրամշակված)

1_70Սովորողի պարտադիր և ոչ պարտադիր ուսումնական աշխատանքի գնահատումը կատարվում է ըստ հեղինակային կրթական ծրագրի չափորոշչով որոշված գնահատման կարգի, 10 միավորանոց համակարգով:

Ստուգումը և գնահատումն ուսուցչին, սովորողին և նրա ծնողին պետք են սովորողի առաջընթացը նշելու և հետագա աշխատանքի ծավալն ու բովանդակությունը որոշելու համար:

Սովորողը ցանկության և հնարավորության դեպքում կարող է գնահատականը փոխել: Սովորողի գնահատականը մայրենի լեզվից արտացոլում է նրա և՛ բանավոր խոսքը, և՛ գրավոր խոսքը, և´ խոսքային ինքնարտահայտման համար անհրաժեշտ մեդիահմտությունները։ Անբավարար արդյունքով աշխատանքը ենթակա է լրացման: Ուսուցիչը գնահատում է սովորողի աշխատանքը` նախատեսված առաջադրանքների կատարմանը սովորողի մասնակցության աստիճանով:

Սովորողի պարտադիր ուսումնական աշխատանք

4-6 միավոր

  • Գործնական քերականության, գրական ընթերցանության նվազագույն պարտադիր մասը` քերականական վարժությունների և գրականագիտական առաջադրանքների կատարում. շաբաթական տասը հատ

Սովորողի ոչ պարտադիր ուսումնական աշխատանք

7-8 միավոր

Գործնական քերականության, գրական ընթերցանության նվազագույն պարտադիր մասը կատարելուց բացի խոսքի մշակման աշխատանքի ապահովում`

  • լրատվություն, կայքի, բլոգի  համար նյութի ստեղծում
  • ստեղծված այլ նյութ` այլալեզու ԶԼՄ-ներից թարգմանություն, ռադիոնյութ, տեսանյութ
  • նախագծային աշխատանքի մասնակցություն
  • գրական ինքնակամ ընթերցանություն, վերլուծություն

Ինքնակրթություն

9-10 միավոր

Ուսումնական արձակուրդների ժամանակ արված աշխատանք

  • նախագծային աշխատանքի արդյունավետ մասնակցություն
  • արդյունավետ բլոգավարություն. ստեղծագործական աշխատանք

Գործունեության գնահատումը վերաբերում է այն բազմազան առաջադրանքներին ու իրավիճակներին, որոնցով սովորողը հնարավորություն է ստանում դրսևորելու գիտելիքի իր ըմբռնումը, կարողանում է կիրառել ձեռք բերած գիտելիքները, հմտություններն ու մտածելու կարողությունը: Գնահատումն իրականացվում է ժամանակի ընթացքում` հիմնվելով շոշոփելի արդյունքի կամ դիտարկելի գործունեության վրա: Նման մոտեցումը խրախուսում է ինքնագնահատումը և սեփական արդյունքների վերանայումը, պահանջում արդյունքների հրապարակում-գնահատում:

Սովորողի կիսամյակային գնահատականը ձևավորվում է ըստ շաբաթական կատարած աշխատանքի թվային և որակական հատկանիշների (քանի աշխատանք, ինչպես է կատարված): Ուսուցչի սուբյեկտիվ վերաբերմունքի ազդեցությունը գնահատականի վրա այս ձևով նվազագույնի է հասնում, քանի որ գործ ունենք արդեն հրապարակված աշխատանքի հետ։

Սովորողը բաց, հրապարակային ներկայացնում է իր կատարած աշխատանքը, ըստ գնահատման սանդղակի գնահատում և հիմնավորում է՝  համապատասխան գնահատանիշը դնելով էլեկտրոնային մատյանում:

Ուշադրություն

Կիսամյակային, տարեկան գնահատման մեջ արտացոլվում է սովորողի ամբողջ տարվա աշխատանքի արդյունքը, ներառյալ` արձակուրդների ընթացքում կատարածը:

Հարգանքով՝  Նունե Մովսիսյան

«Մխիթար Սեբաստացի» կրթահամալիր

Реклама

Об авторе Նունե Մովսիսյան

Բարի գալուստ
Запись опубликована в рубрике Մեդիակրթություն. Добавьте в закладки постоянную ссылку.

24 комментария на «Գնահատման համակարգ (լրամշակված)»

  1. Уведомление: Հոկտեմբեր ամսվա առաջադրանքներ | Հայկական կակաչ (Papaver Armeniacum)

  2. Уведомление: Հոկտեմբեր ամսվա անելիքներ | Հայկական կակաչ (Papaver Armeniacum)

  3. Նունե Մովսիսյան:

    Դիտարկում 1. Գնահատման համակարգի եռաստիճան լինելը հնարավորություն է տալիս ինքնագնահատումը կատարել ըստ երեք մակարդակի՝ ցածր(4-6), միջին (7-8), բարձր (9-10), որն էլ իր հերթին ստեղծում է աշխատանքի մոտիվացիա: Աշխատեցիր՝ կգնահատվես կատարածդ աշխատանքի դիմաց: Չաշխատեցիր, չես գնահատվի: Ամեն ինչ պարզ է ու հստակ: Աշխատանքի արդյունքները ամփոփվում են ամեն շաբաթ՝ բոլորին տեսանելի կերպով:

  4. Նունե Մովսիսյան:

    Դիտարկում 2. Գնահատման այս համակարգը սովորողին կամա, թե ակամա «ստիպում» է նախագծային աշխատանք իրականացնել: Սովորողը ազատ է թեմայի ընտրության, միջոցների, նյութերի հարցում: Սա էլ խթան է դառնում, որ սովորողը հավեսով աշխատի՝ ինքն է ընտրել, իր ուզած թեման է:

  5. Նունե Մովսիսյան:

    Դիտարկում 3. Եթե, այնուամենայնիվ, սովորողը ինչ-ինչ պատճառներով դժվարանում է նախագիծ սկսել կամ թարգմանական նյութ ընտրել, կարող է ընտրել այլընտրանքային տարբերակ՝ օգտվել «Լրացուցիչ փաթեթից»: Մի խոսքով՝ անմհանա կրթություն…

  6. Նունե Մովսիսյան:

    Դիտարկում 4. Այս գնահատման համակարգի ամենամեծ առավելությունը իմ կարծիքով այն է, որ համակարգը «պարտադրում» է գնահատել ոչ թե սովորողի ընդունակությունները, այլ՝ աշխատասիրությունը:

  7. Уведомление: Առաջադրանքների փաթեթ (8-9-րդ դաս.-ներ) | Հայկական կակաչ (Papaver Armeniacum)

  8. Уведомление: Նոյեմբեր ամսվա անելիքներ | Հայկական կակաչ (Papaver Armeniacum)

  9. Уведомление: Ուսումնական փաթեթներ (8-9-րդ դաս.-ներ) | Հայկական կակաչ (Papaver Armeniacum)

  10. Уведомление: Հեգելն ու մենք | Հայկական կակաչ (Papaver Armeniacum)

  11. Уведомление: Ուսումնական փաթեթներ (8-9-րդ դաս.-ներ) | Հայկական կակաչ (Papaver Armeniacum)

  12. Уведомление: Դիջիամփոփում 2011-2015 | Հայկական կակաչ (Papaver Armeniacum)

  13. Уведомление: Ո՞րն է կրթության իրական իմաստը | Հայկական կակաչ (Papaver Armeniacum)

  14. Նունե Մովսիսյան:

    Դիտարկում 5. Գնահատման համակարգը կարող է հետագայում հիմք հանդիսանալ հմտությունների և կարողությունների ստուգման-գնահատման համար: Նրանք, ովքեր տարվա ընթացքում կատարել են միայն սովորողի պարտադիր ուսումնական աշխատանքը, ավտոմատ կերպով ստանում են իրենց գնահատանիշը, այն է, առավելագույնը՝ 6 և իրենց ցանկությամբ չեն մասնակցում ՀԿԾ-ի առաջարկած ստուգմանն ու գնահատմանը: Այս փուլին կարող են ինքնակամ կերպով չմասնակցել նաև տարվա ընթացքում տեսանելի գործունեություն իրականացնողները, այն է՝ նախագծային աշխատանքի արդյունավետ մասնակցություն և արդյունավետ բլոգավարություն իրականացնողները:
    Ասեմ, որ և առաջին, և երկրորդ դեպքում նման սովորողները քիչ են:
    Այն սովորողները, ովքեր տարվա ընթացքում իրականացրել են ոչ պարտադիր ուսումնական աշխատանք, իրավունք են ստանում մասնակցել հմտությունների ու կարողությունների ստուգման-գնահատման գործընթացին: Այն պատկերացնում եմ փուլային տարբերակով՝ նման «Գծանկար-գունանկար» առարկայի քննության:
    Տեքստի կառուցում.Առաջին օրը լրատվություն, կայքի, բլոգի համար նյութի ստեղծում կամ ԶԼՄ-ներից թարգմանություն:
    Տեքստի մշակում-զարգացում.Երկրորդ օրը ստեղծված նյութի մշակում, մեդիահմտությունների կիրառում՝ ռադիոնյութ, տեսանյութ:
    Աշխատանքի հանձնում-Երրորդ օրը կատարած աշխատանքի հրապարակային ներկայացում-գնահատում:
    Նման ստուգում-գնահատումը, կարծում եմ, թույլ կտա աստիճանաբար սովորողների միջին խավ ձևավորել՝ այս կերպ խուսափելով առկա բևեռայնությունից:

  15. Նունե Մովսիսյան:

    Գիտելիքի կիրառման համար անհրաժեշտ է ազատ ժամանակ: Այնտեղ, որտեղ յուրաքանչյուրը ստիպված է մի կտոր հացի համար աշխատել մինչև քափ ու քրտինք կտրելը և որտեղ չկա մեկ րոպե ազատ ժամանակ մտքերի համար, այնտեղ գիտելիքը լճանում է և ժողովուրդը՝ նույնպես:
    ՋՈՆ ՈՒԻՆԴԵՄ

  16. Уведомление: Դասավանդողի մեդիադարակ | Հայկական կակաչ (Papaver Armeniacum)

  17. Уведомление: Հոկտեմբեր ամսվա անելիքներ | Հայկական կակաչ (Papaver Armeniacum)

  18. Уведомление: Նոյեմբեր ամսվա անելիքներ | Հայկական կակաչ (Papaver Armeniacum)

  19. Уведомление: Դեկտեմբեր ամսվա անելիքներ | Հայկական կակաչ (Papaver Armeniacum)

  20. Уведомление: Համոզել, պարտադրել, թե՞… | Հայկական կակաչ (Papaver Armeniacum)

  21. Уведомление: Հոկտեմբեր 2016 | Հայկական կակաչ (Papaver Armeniacum)

  22. Уведомление: Դեկտեմբեր 2016 | Հայկական կակաչ (Papaver Armeniacum)

  23. Уведомление: Ուսումնական աշխատանք | Mediaeducational blog

  24. Уведомление: Ուսումնական նոյեմբեր — Դասավանդողի մեդիադարակ

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s