Սեր, շա՜տ սեր:

Ես իսկույն ևեթ սկսեցի փոստարկղում փնտրել քո նամակը, որն սպասում էր իմ վերադարձին:

Չեմ կարող փոխանցել՝  ինչքան ուրախ եմ նամակը ստանալու համար, մանավանդ որ այն գրվել է քո ձեռքով:

Դու գրում ես. «Քո ներկայությունը, անգամ եթե դու չկաս, առավել զգալի է»:

Սերը հենց ինքը՝  ներկայությունն է:

Որտեղ կա սեր, անհետանում են տարածություն և ժամանակ, իսկ որտեղ սեր չկա, անգամ, եթե այն մոտիկ է տարածության և ժամանակի մեջ, ամենը մնում է անչափելի հեռվում:

Բաժանվում են միմիայն սիրո բացակայության պատճառով, իսկ սերը միակ մտերմությունն է:

Ընդհանուրի հանդեպ սերը բոլորի ներսում էլ կա:

Այդ դեպքում ամբողջ աշխարհը ներսում է, ոչ թե դրսում, և լուսինն էլ աստղերի հետ փայլում է ներքին երկնքում:

Սիրո այդ լեցունության մեջ կորում է էգոն:

Ես ուզում եմ, որ Աստված քեզ առաջնորդի դեպի այդ լիակատարություն:

Աղբյուր՝  Ошо Чашка чая. 365 писем Ошо

Ռուսերենից թարգմանությունը՝  Նունե Մովսիսյանի