Եվ դուք, ի վերջո, կհամոզվեք, որ այս ամենը եղել է Աստծո և ձեր միջև և երբեք չի եղել ձեր և մարդկանց միջև:

• Աստծո բարության կենդանի դրսևորումը եղիր, թող մարդիկ բարություն գտնեն քո դեմքին, քո աչքերում, քո ժպիտի մեջ:
• Ամեն անգամ ինչ-որ մեկին ժպտալը սիրո դրսևորում է. նվեր է այդ մարդուն, գեղեցիկ մի բան:
• Մեր աղոթքները պետք է լինեն մեր սրտի կրակից, բառերը` այդ կրակով այրված սիրուց:
• Մենք չենք կարող կանգնել Աստծո առջև, եթե չապրենք ներքին և արտաքին լռություն:
• Աստված խոսում է սրտի լռության մեջ: Եթե կանգնես Աստծո առջև` լռության և  աղոթքի մեջ, Նա կխոսի քեզ հետ:
• Երբ հասկանաս, որ ոչինչ ես, դատարկ մի անոթ, Աստված քեզ կլցնի Իրենով:
• Լռությունը թույլ է տալիս, որ ամեն բան տեսնենք այլ կերպ:
• Մեզ լռություն է պետք, որ կարողանանք հպվել մարդկանց սրտերին:
• Լռության մեջ մենք հասկանում ենք, որ կարևորը ոչ թե մեր խոսքն է, այլ Աստծո:
• Աստծուն անհնար է գտնել աղմուկի և ունայնության մեջ: Նայիր բնությանը` ծառերը, ծաղիկները աճում են լռության մեջ: Արևը, Լուսինը, աստղերը շարժվում են լռության մեջ:
• Կարևորը այն չէ, թե մենք ինչ կարող ենք ասել Աստծուն, այլ այն, թե Նա ինչ է ասում մեզ մարդկանց միջոցով:
• Լռության մեջ մենք պարգև ունենք` Նրան լսել:
• Աչքերի, ականջների, շուրթերի, սրտի և մտքի լռության մեջ Աստվածն է խոսում:
• Սրտի լռությունը քեզ պետք է, որ լսես Աստծո ձայնն ամենուրեք, անգամ փակ դռների առջև և երգող թռչունների ձայնի մեջ:

Աղբյուրը`  med-practic.com

Կարող եք ծանոթանալ նաև՝  Մայր Թերեզա «Ձգվեք դեպի մարդիկ»

Մայր Թերեզա «Ամեն անգամ»