«Մենք պետք է սովորենք աղոթել` ոչ թե աղաչել, այլ հանդիպել Աստծուն»:Անտոնի Սուրոժսկին ուղղափառ եկեղեցու եպիսկոպոս է, Սուրոժի մետրոպոլիտ, աստվածաբան, փիլիսոփա, քարոզիչ։

Աստծուն դրեք ափի մեջ

Այնպես ստացվեց, որ ես մի անգամ «Ուկրաինա» հյուրանոցի մոտ կանգնած սպասում էի, որ տաքսի գար: Ինձ մոտեցավ մի երիտասարդ և ասաց.

— Դատելով ձեր հագուկապից` կարելի է եզրակացնել, որ դուք հավատացյալ եք, քահանա՞ եք:

Ես պատասխանեցի.

-Այո՛:

— Իսկ ես չեմ հավատում Աստծուն:

Ես նրան նայեցի և ասացի.

-Ափսո՛ս:

-Իսկ դուք ինչպե՞ս կարող եք ինձ ապացուցել, որ Աստված գոյություն ունի:

-Իսկ ձեզ ինչպիսի՞ ապացույցներ են հարկավոր:

-Դե, ահա ափի մեջ դրեք ձեր Աստծուն, և ես կհավատամ Նրան…

Նա պարզեց ձեռքը, այդ պահին ես նկատեցի նրա ամուսնական մատանին: Ես նրան ասացի.

-Դուք ամուսնացա՞ծ եք:

-Ամուսնացա՛ծ եմ:

-Երեխաներ ունե՞ք:

-Ունեմ երեխաներ:

-Դուք սիրո՞ւմ եք ձեր կնոջը:

-Իհարկե՛, սիրում եմ:

-Իսկ երեխաներին սիրո՞ւմ եք:

-Այո՛, սիրում եմ:

-Իսկ ես չեմ հավատում, որ սիրում եք:

-Էդ ո՞նց, ինչպե՞ս թե չեք հավատում, չէ՞ որ ես ձեզ ասում եմ…

-Այո՛, ասում եք, բայց ես, մեկ է, չեմ հավատում: Ահա, դրեք ձեր սերը ափի մեջ, ես տեսնեմ և կհավատամ…

Աղբյուրը`  митрополит Антоний Сурожский

Ռուսերենից թարգմանությունը` Նունե Մովսիսյանի

Կարող եք ծանոթանալ  «Անտոնի Սուրոժսկի» կայքէջին

Անտոնի Սուրոժսկին ծնվել է 1914 թ.-ին, Լոնդոնում: Դպրոցն ավարտելուց հետո ընդունվել է Սորբոնի համալսարան: Այնուհետև ձեռնադրվել է կուսակրոն քահանա և որպես ռազմական վիրաբույժ մեկնել ռազմաճակատ։ Ֆրանսիայի օկուպացիայի ժամանակ մասնակցել է ֆրանսիական դիմադրության շարժմանը։ Դասախոսություններ է կարդացել Քեմբրիջի համալսարանում։ Նա հաճախ ելույթներ էր ունենում բրիտանական հեռուստատեսությամբ և ռադիոյով։ Մետրոպոլիտը ակտիվորեն մասնակցում էր եկեղեցական և հասարակական կյանքին և մեծ ճանաչում ուներ տարբեր երկրներում։ Անգլիայում և Իռլանդիայում նրա ջանքերով բացվել է Սուրոժի պատրիարքությունը, որը այսօր էլ գործում է:

Անտոնի Սուրոժսկին մահացել է 2003 թվականին, Լոնդոնում:

Ինչպես նաև` Սուրոժսկու պաշտոնական կայքին և արխիվին

Կարող եք նայել նաև Апостол любви.Антоний Сурожский փաստավավերագրական ֆիլմը