Բովանդակությունը, ինչպես և բառերը, մերկանում են այն ժամանակ, երբ շոգում են․․․

Բառեր հագած բովանդակությունները, զուգահեռների նման, չեն հատվում.

Հատման սպասում չկա, կա միայն տարածք ու տարածություն:

Հոգին լողում է զուգահեռների մութուլուսե միջակայքում՝

Տարածության և ժամանակի լուռ բավիղներում:

Հոգին, ինչպես և լռությունը, ինչքան էլ շոգեն՝

Չեն մերկանում, որովհետև․․․մերկ են,

Մինչդեռ բովանդակությունը, ինչպես

Եվ բառերը մերկանում են այն

Ժամանակ, երբ շոգում են։

Նունե Մովսիսյան