Մենք թափառող թռչուններ ենք Երկրի վրա… Թագոր
►Ես եկա քո ափ որպես օտարական, ես ապրեցի քո տան մեջ որպես հյուր, ես թողնում եմ քեզ որպես ընկեր, օ՛, Երկիր իմ…
►Դու ժպտացիր և խոսեցիր ինձ հետ, հենց այնպես, ոչ մի բանի մասին:
Բայց ես հասկացա, որ այդ պահին էի ես այդքան երկար սպասել…
►Մառախուղը հողի ցանկությունն է:
Նա թաքցնում է իր` այդքան տենչացող արևին…
►Երաժշտությունը հեռավոր ամռան պտտվում է աշնան շուրջ` ձգտելով դեպի իր նախկին բույնը…
►Լեռները նման են երեխաների ճիչերի. ձեռքերը պարզել են, որ աստղեր բռնեն..
►Իմ սրտի մենակության մեջ ես լսում եմ այրիացած երեկոյի հոգոցը` անձրևով ու մառախուղով պարուրված…
►Մութ գիշերվա արարման խորհուրդն անսահման է…
Գիտակցության խաբկանքները` առավոտյան մաղախուղ…
►Ես մտածում եմ կյանքի գետում լող տվող դարերի, սիրո ու մահվան, մոռացության մասին, և զգում եմ, թե ինչ է ազատությունը…
►Իմ երեկոն իջավ օտար ծառերի միջից, և ինձ հետ խոսեց մի լեզվով, որը չգիտեին իմ ցայգաբացի աստղերը…
► Մարդը գնում է դեպի ամբոխի աղմուկը, որպեսզի խեղդի իր մեջ սեփական լռության լացը…
►Կյանքը մեզ պարգև է ուղարկում. արժանի ենք լինում` տրվելով նրան…
►Ես չեմ կանչում քեզ իմ տուն:
Մտիր իմ անսահման մենակություն մեջ, Սեր իմ…
►Մենք սխալ ենք կարդում գրքերի աշխարհը, հետո ասում, որ այն խաբում է մեզ…
►Ծառերը, որպես կրքոտ ցանկություններ երկիրի, կանգնում են մատների ծայրերին, որպեսզի նայեն երկնքին …
►Թախծոտ դեմքը նրա մշտապես երազներում է իմ` ինչպես անձրևը գիշերվա…
►Մեծ մարդիկ հավերժական երեխաներ են: Մեռնելիս նրանք մեծ մանկությունն իրենց թողնում են աշխարհին…
► Բեռնիր թռչունի թևերը ոսկով և այն այլևս չի սավառնի երկնքում..
►Անձրևի կաթիլները համբուրեցին հողը` շշնջալով նրան. «Մենք զավակներն ենք քո, Մայր, հարազատ օջախի կարոտից վերադարձանք քեզ մոտ երկնքից…
►Ես ապրում եմ իմ փոքրիկ աշխարհում և վախենում եմ այն դույզն-ինչ ավելի փոքրացնելուց, բայց բարձրացրու ինձ քո աշխարհ և տուր ինձ ազատություն. և ես ուրախությամբ կկորցնեմ իմ ունեցածը…
►Լույսը, ինչպես մերկ երեխա, խաղում է կանաչ տերևների միջից: Նա, բարեբախտաբար, չգիտի, որ մարդը կարողանում է ստել…
►Հողն իր արցունքներով է պահպանում ժպիտի իր գույնը…
Աղբյուրը` https://www.facebook.com/RabindranatTagor
Ռուսերենից թարգմանությունը` Նունե Մովսիսյանի
Կարող եք ծանոթանալ նաև՝ «Թագոր» կայքէջին
Уведомление: Ռաբինդրանաթ Թագոր | Հայկական կակաչ (Papaver Armeniacum)
Уведомление: Ռաբինդրանաթ Թագոր, Աղոթք | Հայկական կակաչ (Papaver Armeniacum)
Уведомление: Թարգմանական ստուգատեսին | Հայկական կակաչ (Papaver Armeniacum)
Уведомление: Ծիսական օրացույց | Հայկական կակաչ (Papaver Armeniacum)
Уведомление: Նարեկացի-Թագոր-Օշո-Նարեկացի | Հայկական կակաչ (Papaver Armeniacum)
Уведомление: Ես եկա քո ափ որպես օտարական, ես ապրեցի քո տան մեջ որպես հյուր… Թագոր | Մերի Երանոսյան
Уведомление: Աստված-մարդ հիմնախնդիրն ըստ Թագորի և Նարեկացու | Հայկական կակաչ (Papaver Armeniacum)