Գյուրջիևի խորհուրդները դստերը՝ Դուշկա Խովարտին 

• Ուշադրությունը սևեռի՛ր ինքդ քեզ վրա:
• Գիտակցի՛ր ցանկացած պահ՝ ինչ ես մտածում, ինչ ես զգում, ինչ ես ուզում կամ անում:
• Միշտ ավարտի՛ր սկսածդ:
• Արա՛ այն, ինչ անում ես հնարավորինս լավ:
• Մի՛ կապվիր այն ամենին, ինչը հետագայում կարող է քեզ ոչնչացնել:
• Շռայլություն դրսևորիր, բայց առանց վկաների:
• Յուրաքանչյուր մարդու վերաբերիր ինչպես մտերիմ հարազատի:
• Շտկի՛ր քո մեջ այն ամենը, ինչ շտկելու կարիք ունի:
• Սովորի՛ր ընդունել և երախտապարտ եղիր յուրաքանչյուր պարգևի համար:
• Վերջ տուր ինքնապաշտպանական վարքագիծ դրսևորել:
• Մի՛ խաբիր, մի՛ գողացիր: Եթե այդպես ես վարվում, ուրեմն խաբում ես ինքդ քեզ ու գողանում՝ ինքդ քեզնից:
• Օգնի՛ր նրանց, ովքեր քո կողքին են, բայց նրանց քեզնից կախյալ մի դարձրու:
• Մի՛ զբաղեցրու չափազանց մեծ տարածք:
• Մի՛ աղմկիր և ավելորդ ակնարկներ մի՛ արա:
• Եթե դու դեռ հավատ չունես, ձև արա, թե ունես:
• Հեշտությամբ մի՛ ընկիր ուժեղ անհատականությունների ազդեցության տակ:
• Մի՛ կողոպտիր ոչինչ և ոչ մեկից:
• Արդարությո՛ւն տարածիր:
• Մի՛ գայթակղիր:
• Կե՛ր և քնի՛ր այնքան, որքան քեզ է անհրաժեշտ:
• Մի՛ խոսիր քո անձնական խնդիրներից:
• Մի՛ դատիր և կարծիք մի՛ փոխիր, քանի դեռ բոլոր հիմնական փաստերին չես ծանոթացել:
• Անիմաստ բարեկամություն մի՛ արա:
• Մի՛ հետևիր ընդհանուր ուղղություններին ու միտումներին:
• Մի՛ ծախիր քեզ:
• Հարգի՛ր քո ստորագրությամբ համաձայնագիրը:
• Եղի՛ր ճշտապահ:
• Մի՛ նախանձիր ուրիշներին՝ գույք ու ձեռքբերումներ ունենալու համար:
• Ասա՛ միայն այն, ինչն անհրաժեշտ է:
• Մի՛ մտածիր՝ ինչ օգուտ կբերեն քեզ քո գործողությունները:
• Մի՛ սպառնա:
• Կատարի՛ր քո խոստումները:
• Վեճի ժամանակ քեզ միշտ ուրիշների տեղը դիր:
• Ընդունի՛ր, եթե ինչ-որ մեկը առավել է քեզնից:
• Հաղթահարի՛ր քո վախերը:
• Օգնի՛ր ուրիշներին, որպեսզի կարողանան իրենք իրենց օգնեն:
• Հաղթահարի՛ր դժգոհությունդ և եղիր նրանց կողքին, ում ցանկանում ես մերժել:
• Հպարտությունդ փոխակերպիր ինքնագնահատականով:
• Զայրույթդ փոխակերպիր ստեղծականությամբ:
• Ագահությունդ փոխակերպիր գեղեցիկի հանդեպ պաշտամունքով:
• Նախանձդ փոխակերպիր ուրիշների առավելությունների հիացմունքով:
• Ատելությունդ փոխակերպիր ողորմածությամբ:
• Մի՛ գովերգիր, բայց և մի՛ վիրավորիր ինքդ քեզ:
• Հո՛գ տար այն ամենին, ինչը քեզ չի պատկանում և ինչը քեզ է պատկանում:
• Մի՛ տրտնջա, մի՛ բողոքիր:
• Զարգացրե՛ք ձեր երևակայությունը:
• Ուրիշներին հրահանգ մի՛ տուր միայն այն բանի համար, որ դա քեզ հաճելի է:
• Վճարի՛ր քեզ մատուցվող աշխատանքի և ծառայությունների համար:
• Մի՛ քարոզիր քո աշխատանքն ու գաղափարները:
• Մի՛ փորձիր քո հանդեպ արթնացնել այնպիսի զգացմունքներ, ինչպիսիք են՝ ափսոսանքը, համակրանքը, հիացմունքը, մեղքի գիտակցումը:
• Մի՛ փորձիր տարբերվել քո արտաքին տեսքով:
• Երբեք մի՛ հակառակվիր, միայն պահպանիր լռություն:
• Պարտքերի տակ մի՛ մտիր, գնածդ ապրանքի համար վճարիր անմիջապես:
• Եթե հրապարակավ վիրավորել ես, ապա հրապարակավ էլ ներողություն խնդրիր:
• Եթե խոսակցության ընթացքում գիտակցել ես քո սխալը, հպարտություն մի՛ խաղա, անմիջապես հրաժարվիր նախկին մտադրությունից:
• Հետ մի՛ կանգնիր քո նախկին գաղափարներից միայն այն բանի համար, որ արդեն բարձրաձայնել ես:
• Մի՛ պահիր անպետք իրեր:
• Քեզ մի՛ զարդարիր ուրիշի գաղափարներով:
• Մի՛ լուսանկարվիր հայտնի մարդկանց հետ:
• Եղի՛ր ինքդ քո դատավորը:
• Քեզ մի՛ բնութագրիր քո ունեցվածքով:
• Գիտակցի՛ր, որ ամեն ինչ պատկանում է քեզ:
• Եթե մտասուզման արդյունքում քեզ հայտնվել է Սատանան՝ ստիպի՛ր, որ Սատանան էլ աղոթի:

Աղբյուրը՝ http://wayter.wordpress.com

Լուսանկարը՝ http://gurdjieffclub.com/

Ռուսերենից թարգմանությունը՝ Նունե Մովսիսյանի

Կարող եք ծանոթանալ նաև՝  Գեորգի Գյուրջիև կամ խորամանկ իմաստունը

Հ.Գ. Ռուսերեն թարգմանությունը կատարվել է անգլերենից: Քանի որ անգլերենում սկզբնաղբյուրը նշված չէ, այդ իսկ պատճառով հնարավոր է՝ այն վավերական չէ: Տեքստի հնարավոր աղբյուրը կարող է լինել Alejandro Jodorowsky գիրքը կամ Դուշկա Խովարտի (1924-2010 ) “It’s up to Ourselves. A Mother, a Daughter, and Gurgjieff” (2009) գիրքը: