Ռիչարդ Բախ

R. BaxՋոնաթան Լիվինգսթոն ճայը 

►Եթե մեր բարեկամությունը կախված է միայն պայմանականություններից, ինչպիսին տարածությունն ու ժամանակն են, նշանակում է մենք ինքներս խորտակում ենք մեր բարեկամությունը, այն պահին, երբ հնարավորություն ունենք հաղթահարել ժամանակն ու տարածությունը: Միթե կարծում ես, որ մենք չենք կարող մեկ-երկու անգամ ինչ-որ տեղ հանդիպել այն միջանկյալ հատվածում, որը կոչվում է Այստեղ և Հիմա: Տարածության նկատմամբ հաղթանակից հետո մնում է միայն Այստեղը: Իսկ ժամանակի նկատմամբ հաղթանակից հետո` Հիման:

►  Միակ բանն այս աշխարհում, որ հնարավոր չէ ոչնչացնել, մենք ենք: Ամբողջ մոլորակը կարող է մոխրանալ, արեգակը կարող է վերածվել նոր աստղի, սակայն մեզ վրա այրվածք անգամ չի լինի: Մենք անոչնչանալի ենք: Մենք որպես Գոյ, որպես անսահման սիրո աճապարություն, որպես ոգու կեցության մասնակիցներ` անտրոհելի ենք:

► Գրողը չպիտի ընթերցող փնտրի, ընթերցողներն իրենք կգտնեն գրողին, որտեղ էլ լինեն:

►  Կգա օրը, Ջոնաթան Լիվինգսթոն, կհասկանաս, որ թեթևամտությունը չի կարող կերակրել: Կյանքի իմաստը հասկանալ մեզ չի տրված, քանզի այն անիմանալի է, մեզ մի բան է հայտնի, մենք նետված ենք այս աշխարհ, որպեսի ուտենք և ողջ մնանք այնքան ժամանակ, քանի դեռ մեր ուժերը կբավականացնեն:

►  _Թեթևամտություն: Եղբայրներ,- բացականչեց նա: Ով է ավելի մտածում Երամի մասին, քան ճայը, որը բացահայտում է կյանքի գերագույն իմաստը, նշանակությունը և երբեք չի մոռանում դա: Հազար տարի է` մենք թափառում ենք ձկան գլուխ փնտրելով, բայց հիմա վերջապես հայտնի է ինչու ենք ապրում` որպեսզի ճանաչենք, հայտնագործենք նորը, ազատ լինենք:

► Պատկերացնում ես՝  քանի-քանի կյանք պիտի ապրել մինչև կհայտնվի աղոտ մի ենթադրություն, որ կյանքը չի սահմանաձակվում կերով, պայքարով և երամին իշխելով: Հազարավոր կյանքեր, Ջոն, տասը հազար: Իսկ հետո ևս հարյուր կյանք` մինչև կհամոզվենք, որ կյանքի իմաստը կատարելիության հասնելը և մյուսներին դրա մասին պատմելն է:

► Հիշիր, Ջոնաթան, երկինքը որոշակի տեղ կամ ժամանակ չէ, որովհետև ոչ տեղը, ոչ ժամանակը իմաստ չունեն: Ցանկացած տեղ թռչելու համար, նախ և առաջ անհրաժեշտ է հասկանալ, որ արդեն հասել ես:

►   -Իհարկե, Ջոն, իհարկե հաջողվում է, երբ գիտես, ինչ ես անում, միշտ հաջողվում է:

►  Եվ չնայած Ֆլետչերն աշխատում էր պահանջվող խստությամբ նայել իր աշակերտներին, հանկարծ նրանց բոլորին տեսավ այնպիսին, ինչպիսին իրականում նրանք կային, տեսավ մեկ ակնթարթ, բայց այդ ակնթարթում ոչ միայն հավանեց, այլև սիրեց բոլորին: «Սահման գոյություն չունի, Ջոնաթան»,- ժպտալով մտածեց նա և սլացավ գիտելիքներին հետապնդելու:

► Եթե մենք բոլորին տեսնենք այնպիսին, ինչպիսին նրանք կան իրականում, թեկուզ դա մի պահ տևի միայն, այդ ընթացքում մենք ոչ միայն կհավատանք, այլև կսիրենք այն, ինչ կտեսնենք:

► Շարունակիր ինքդ քո փնտրտուքները, ահա թե ինչ է պետք քեզ, ձգտիր ամեն օր թեկուզ մեկ քայլով մոտենալ:

► Դու ազատ ես, դու իրավունք ունես ապրել այստեղ և հիմա, ինչպես քեզ թելադրում է քո եսը, և ոչ մի բան չի կարող քեզ խանգարել:

► Դու կարող ես անել  ցանկացած բան. քանի դեռ չես ապացուցել դա, դու ոչինչ չես կարող անել:

► Օրենքը կեցության բոլոր մակարդակներում նույնն է` մեր հաջորդ աշխարհը մենք ընտրում ենք այստեղ ձեռք բերած գիտելիքների միջոցով: Եվ եթե այստեղ մենք նախընտրել ենք անգիտությունը եւ մեր գիտելիքը մնացել են առաջվանը, հաջորդ կյանքը ոչնչով չի տարբերվի ներկայից, նրա բոլոր սահմանափակությունները կպահպանվեն:
►Բացարձակ արագությունը` դա ժամում հազար մղոնը չէ: Եվ ոչ էլ միլիոնը: Եվ ոչ էլ նույնիսկ լույսի արագությունը, քանզի ցանկացած թիվ սահմանազատման էությունն է, իսկ սահմանազատումը միշտ էլ սահմանափակում է: Եվ ուրեմն բացարձակը սահմանազատում ունենալ չի կարող: Այնպես որ, բացարձակ արագությունն այն է, երբ դու պարզապես գտնվում ես այնտեղ, որտեղ պատրաստվում ես ուղևորվել:

►Սովորելը սոսկ ճշտումն է այն ամենի, ինչն արդեն գիտես: Ուսուցանելը՝ հիշեցնել մյուսներին, որ իրենք ամեն ինչ նույնքան լավ գիտեն, որքան դու: Դու ամենից լավ ուսուցանում ես այն ամենը, ինչը հենց քեզ է ամենից հարկավոր, որ սովորես: Պնդելով, թե ինչ-որ բան չես կարողանում, քեզ զրկում ես Ամենազորությունից: Եթե դու ինչ-որ ժամանակ վարժվես ապրել որպես հորինված կերպար, կհասկանաս, որ հորինված բնավորությունները երբեմն ավելի իրական են, քան մարմին ու սիրտ ունեցող մարդիկ: Ցանկացած մարդ հայտնվում է քո կյանքում, բոլոր դեպքերը կատարվում են քեզ հետ, որովհետև դու նրանց դեպի քեզ ես ձգում: Ընտրությունը, ինչպես վարվես նրանց հետ, կախված է քեզնից:

► Մի հավատա աչքերիդ` նրանք միայն խոչընդոտներ են տեսնում: Տեսնել` նշանակում է հասկանալ, ըմբռնել այն, ինչ արդեն գիտես և կսովորես թռչել: Աչքերդ  ամեն ինչ չէ, որ տեսնում են: Դու մտքով նայիր, ի մի բեր ու խորն ըմբռնիր այն ամենն, ինչ արդեն գիտես և կտեսնես թռիչքի տանող ճանապարհը:

Աղբյուրը՝  Ռիչարդ Դեվիդ Բախ, «Ջոնաթան Լիվինգստոն ճայը»

Կարող եք կարդալ նաև՝

Ռիչարդ Բախ, «Փրկչի գրպանի ուղեցույց»

Ռիչարդ Բախ,  «Հիպնոս Մարիի համար»

 

Реклама

Об авторе Նունե Մովսիսյան

Բարի գալուստ
Запись опубликована в рубрике Մեդիադարակներ с метками . Добавьте в закладки постоянную ссылку.

4 комментария на «Ռիչարդ Բախ»

  1. Уведомление: Ռիչարդ Բախ, «Հիպնոս Մարիի համար» | Հայկական կակաչ (Papaver Armeniacum)

  2. Уведомление: Ռիչարդ Բախ, «Փրկչի գրպանի ուղեցույց» | Հայկական կակաչ (Papaver Armeniacum)

  3. Уведомление: Ռիչարդ Բախ «Հարազատ հոգին նա է, ով…» | Հայկական կակաչ (Papaver Armeniacum)

  4. Уведомление: Ռիչարդ Բախ «Կամուրջ հավերժության վրայով» | Հայկական կակաչ (Papaver Armeniacum)

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s