Դեկտեմբերի 17-ին ծնվել է Հռոմի Ֆրանցիսկոս Պապը։ 
Նախ` ինչու Ֆրանցիսկոս: Բանն այն է, որ Հռոմի ներկայիս Պապը հաստատել է, որ իր անունը ընտրել է ի պատիվ Ֆրանցիսկ Ասսիզեցու: Ֆրանցիսկ Ասսիզեցին (1181-1226) կաթոլիկ եկեղեցու մեծագույն սրբերից է, Ֆրանցիսկյան միաբանության հիմնադիրը: Սերել է հարուստ ընտանիքից: Քսան տարեկան հասակում հրաժարվել է իր ժառանգությունից և հիմնել «մուրացկանների» միաբանությունը: Սրբադասվել է մահվանից երկու տարի անց:

Կյանքը ճամփորդություն է

Համացանցը  անսպասելի հանդիպումների և միասնականության համար ապահովում է անսահմանափակ հնարավորություններ, հետևաբար, այն, իրոք, լավ բան է՝ Աստծո իսկական պարգև:

Ես կուզեի եկեղեցին աղքատ լիներ և աղքատների համար լիներ:

Այսօր մարդու հիմնարար իրավունքները խախտվում են ոչ միայն ահաբեկչության, ճնշումների և բռնության, այլև անազնիվ տնտեսական կառույցների պատճառով, որոնք առաջացնում են հսկայական անհավասարություն:

Փողը պետք է ծառայի, ոչ թե իշխի:

Յուրաքանչյուր տղամարդ և յուրաքանչյուր կին, ով պատրաստվում է պետական պաշտոն ստանձնել, իրեն պետք է երկու հարց տա. «Ես իմ հայրենակիցներին սիրո՞ւմ եմ այնքան, որ պատրաստ եմ նրանց լավ ծառայել: Ես խոնա՞րհ եմ այնքան, որ լսեմ ամեն մեկի կարծիքը և ընտրեմ ճիշտ ճանապարհ»:

Եթե դուք պատրաստ չեք դրական պատասխան տալ այս հարցերին, ուրեմն ձեր ծառայությունը օգտակար չի կարող լինել:

Մարքսիստական գաղափարախոսությունը արատավոր է, բայց իմ կյանքում ես հանդիպել եմ շատ մարքսիստների, ովքեր եղել են լավ մարդիկ:

Մարդկային արժանապատվությունը նույնն է մարդկային ցեղի բոլոր անդամների համար. եթե ես տրորում եմ անձի արժանապատվությունը, ապա ես ոտնահարում եմ իմ սեփականը:

Յուրաքանչյուր մարդ ոչ միայն իրավունք ունի ասելու այն, ինչն իր կարծիքով ճիշտ է և կարող է ծառայել ընդհանուրի շահերին, այլև պարտավոր է այդպես վարվել: Հետևություն. ոչ ճիշտ պատասխանի կամ անհարմար կարծիքի դեպքում բռնանալը ճիշտ չէ: Բայց, եթե իմ բարի ընկեր պարոն Գասպարին իմ մոր հասցեին անեծք է ասում, նա քթին հարված կուտի: Եվ դա նորմալ է, որովհետև մենք չենք կարող և չպետք է վիրավորենք ուրիշների հավատը՝  ծաղրելով նրանց: