Տրավմատիկ իրավիճակը հնարավոր է ճիշտ ըմբռնել միայն այն ժամանակ, երբ դրա հետևում տեսնում ես Աստծո կամքը և գիտակցում ես, որ ցանկացած իրավիճակ ունի բարձրագույն իմաստ, որը դուրս է քո վերահսկողությունից:

Աստվածային կամքի չընդունումը դիտարկվում է որպես անարգանք, Աստծոն ուղղված պահանջ, սեփական ճակատագրի մերժում և դժգոհություն: Քանի դեռ այս ամենը նստած է մեր հոգիներում, մենք միշտ փնտրելու ենք մեղավորների, իսկ դա նշանակում է, որ մեր էներգիան ծախսվելու է ուրիշների հանդեպ ունեցած ատելության և նրանց ոչնչացման, և ոչ թե սեփական անձի շահավետ փոփոխությունների վրա:

Հիվանդությունը մեզ մղում է ըմբռնելու Աստվածայինը: Հիվանդությունը վարկաբեկում է, նվաստացնում է մեր մարդկային «ես»-ը` տալով անպաշտպանվածության զգացում: Հիվանդությունը ճնշում է մեր ցանկությունները, արգելակում է էներգետիկ շրջանառությունը` այն փոխարիներլով ավելի բարձր ծրագրերով: Հիվանդությունը մեզ հեռացնում է մեր սովորություններից, աշխարհի հետ մեր ունեցած կապերից և փոխում է մեր` աշխարհի հանդեպ ունեցած վերաբերմունքը:

Հիվանդությունը ազդանշան է, որ մեր հոգին անհանգիստ է և, որ մենք խնդիրներ ունենք մեր ներսում` մեր աշխարհայացքի և ապրելակերպի հետ կապված:

Աղբյուրը`  Лазарев С. Н. Диагностика кармы, книга 11

Ռուսերենից թարգմանությունը` Նունե Մովսիսյանի

Կարող եք ծանոթանալ նաև` Սերգեյ Լազարև «Ծնողների դաստիարակություն»

Սերգեյ Լազարև «Եթե ուզում եք առողջ լինել»

Սերգեյ Լազարև «Երբ կորչում է սերը»

Սերգեյ Լազարև «Սովորեք սիրել այն, ինչ Ձեզ դուր չի գալիս»