Անտոնի Սուրոժսկի «Մարդն Աստծո առաջ»

Gyane ekexeci

Երբ քեզ գովում են, երկու բան արա: Առաջին`  հիշի՛ր, թե քեզ ինչի համար են գովում և փորձիր դառնալ այդպիսին: Եվ երկրորդ`  երբեք մի՛ փորձիր մարդկանց հակառակը համոզել, որովհետև ինչքան շատ համոզես, այնքան շատ մարդիկ քո մեջ հպատակի կտեսնեն: Մի բան, որ քո ներսում բնավ չկա…

Մենք բոլորս էլ գտնվում ենք ժամանակի իշխանության տակ, բայց դա մեր մեղավորությունն է, ժամանակն այստեղ կապ չունի: Այն, որ ժամանակը հոսում է, և այն, որ մենք ինչ-որ տեղ ենք շտապում, երկու` իրարից միանգամայն տարբեր բաներ են:
Շտապելը ներքին իրողություն է, մինչդեռ կոնկրետ, ճշգրիտ, արագ գործելը` բոլորովին այլ բան:
Երբեմն մի կաթիլ սրտակցությունը, մի ջերմ խոսքը, ուշադրության մի փոքրիկ ժեստը կարող է վերափոխել մարդու կյանքը, մինչդեռ հակառակ դեպքում ստիպված կլինեինք դժվարությունները հաղթահարել մենակության մեջ պարփակված:
Կյանքում ամեն ինչ բարի է, ամեն ինչ կարո՛ղ է բարի լինել, եթե գոհ սրտով ընդունենք այն, ինչ մեզ տրվում է, և այն, ինչ մեզնից վերցվում է…
Մենք պետք է հիշենք, որ յուրաքանչյուր մարդ, ում մենք հանդիպում ենք կյանքի ընթացքում, անգամ, եթե այդ հանդիպումը պատահական է. (հանդիպել ենք մետրոյում, ավտոբուսում, փողոցում), նրան, ում մենք, նույնիսկ առանց որևէ բառ ասելու, նայում ենք կարեկցանքով, լուրջ կամ մաքուր հայացքով` կարող է մի ակնթարթում ապրելու հույս և ուժ տալ:
Կան մարդիկ, ովքեր ոչնչով աչքի չընկնելով անցնում են տարիների միջով, կարծես որևէ մեկի համար ոչ էլ գոյություն ունեն: Եվ հանկարծ, նրանք հայտնվում են իրենց անծանոթ մեկի հայացքի դեմհանդիման, ով իրենց է նայում ի խորոց սրտի: Եվ այդ մերժված, մոռացված, գոյություն չունեցող մարդը սկսում է գոյություն ունենալ: Դա նոր կյանքի սկիզբն է: Մենք այս մասին պետք է հիշենք:
Ես ձեզ այժմ առաջարկում եմ հետևյալը. կես ժամի չափ, լռության մեջ, ինքդ քո հետ նստել եկեղեցում: Առանց որևէ մեկի հետ խոսելու նստել և փորձել պատասխանել հետևյալ հարցերին` արդյո՞ք արդարացված է այն, ինչը հենց այս պահին ասվում է: Իմ ճանապարհին արդյո՞ք ես խոչընդոտ չեմ: Ես իմ ստվերը չեմ գցո՞ւմ շրջապատի վրա: Արդյո՞ք ես չեմ ապրել` իմ ամբողջ կյանքի տարածականության և խորության հիմքում դնելով միայն ինձ, մտածելով այն մասին, ինչն ինձ ուրախացնում է, ինչ ինձ վախեցնում է, ինչն ինձ օգտակար է, ինչն ինձ պետք է…
Եվ, եթե դա այդպես է, ես կարո՞ղ եմ ինձ շրջապատող մարդկանց մեջ առանձնացնել այն մի քանի մարդկանց, իսկ հետաքրքրությունների ոլորտում այն մի քանի գործերը, որոնց օգնությամբ ես վարժությունների, գործադրած ջանքերի շնորհիվ կկարողանամ դեմ գնալ իմ սովորություններին` հայացքս և ուշադրությունս կենտրոնացնելով, որ ոչ թե ես, այլ նրանք ու գործերը հայտնվեն իմ կյանքի կենտրոնում:
Եվ հարցրեք ինքներդ ձեզ` ես ո՞ւմ կարող եմ բարություն անել: Ո՞ւմ կարող եմ ծառայել իմ կյանքի փորձով` և՛ բարի, և՛ չար իմ կյանքի փորձով:

Աղբյուր`   Антоний Сурожский «Человек перед Богом»

Ռուսերենից թարգմանությունը՝  Նունե Մովսիսյանի

Կարող եք ծանոթանալ նաև՝  Սուրոժսկի «Բառը ոչինչ չի կարող փոխանցել»

Սուրոժսկի «Կյանքի և աղոթքի միության մասին»,  Սուրոժսկի «Սիրո գաղտնիքը»

Լուսանկարում`  Էջմիածին, Արարատը Ս. Գայանե եկեղեցու բակից

Հետգրություն

Որպեսզի համոզվեմ` արդյո՞ք արդարացված է այն, ինչն ասվում է, սովորության համաձայն, նախ ինքս եմ փորձում դա անել` երևույթի ներքին էությունն ու հնարավոր բարդություններն ավելի լավ ըմբռնելու համար: Այսօր վեր կացա, գնացի  Սուրբ Գրիգոր Լուսավորիչ եկեղեցի, և ինչպես Անտոնի Սուրոժսկին էր պատվիրել ` կես ժամի չափ ինքս ինձ հետ նստեցի լուռ: Ինձ նստեցրի իմ դիմաց, նայեցի աչքերի մեջ, հարցը տվեցի ու համբերատար սպասեցի պատասխանի:

-Իմ ճանապարհին արդյո՞ք ես խոչընդոտ չեմ:

Պատասխանը չուշացավ.

-Այո՛, դու քո ճանապարհին խոչընդոտ ես:

-Ես իմ ստվերը չեմ գցո՞ւմ շրջապատի վրա:

-Այո՛, դու քո ստվերը գցում ես շրջապատի վրա:

-Արդյո՞ք ես չեմ ապրել` իմ ամբողջ կյանքի տարածականության և խորության հիմքում դնելով միայն ինձ, մտածելով այն մասին, ինչն ինձ ուրախացնում է, ինչ ինձ վախեցնում է, ինչն ինձ օգտակար է, ինչն ինձ պետք է…

-Դժվարանում եմ միանշանակ պատասխան տալ. և՛ այո, և՛ ոչ:

-Եվ, եթե դա այդպես է, ես կարո՞ղ եմ ինձ շրջապատող մարդկանց մեջ առանձնացնել այն մի քանի մարդկանց, իսկ հետաքրքրությունների ոլորտում այն մի քանի գործերը, որոնց օգնությամբ ես վարժությունների, գործադրած ջանքերի շնորհիվ կկարողանամ դեմ գնալ իմ սովորություններին` հայացքս և ուշադրությունս կենտրոնացնելով, որ ոչ թե ես, այլ նրանք ու գործերը հայտնվեն իմ կյանքի կենտրոնում:

-Այո՛, դու կարող ես քեզ շրջապատող մարդկանց մեջ առանձնացնել այն մի քանի մարդկանց, իսկ հետաքրքրությունների ոլորտում այն գործերը, որոնց օգնությամբ դու վարժությունների, գործադրած ջանքերի շնորհիվ կկարողանաս դեմ գնալ սովորություններին` հայացքդ և ուշադրությունդ կենտրոնացնելով, որպեսզի նրա՛նք ու գործերը հայտնվեն քո կյանքի կենտրոնում:

Եվ հարցրեցի ինքս ինձ` ես ո՞ւմ կարող եմ բարություն անել: Ո՞ւմ կարող եմ ծառայել իմ կյանքի փորձով` և՛ բարի, և՛ չար իմ կյանքի փորձով…

Հետո լո՜ւռ ու գլխիկոր հեռացա եկեղեցուց, թե՞…ինքս ինձնից:

Ն.Մ.

Реклама

Об авторе Նունե Մովսիսյան

Բարի գալուստ
Запись опубликована в рубрике Թարգմանություններ с метками . Добавьте в закладки постоянную ссылку.

8 комментариев на «Անտոնի Սուրոժսկի «Մարդն Աստծո առաջ»»

  1. Տիկին Նունե՜, տիկին Նունե, տիկին Նունե…
    Մեկ-մեկ մոռանում եմ, որ թարգմանություն է, Ձեր գրեթե բոլոր թարգմանությունները՝ ուղղակի-անուղղակի Ձեր անձի հետ էնքան են կապված/ներեցեք հանդգնությանս համար/, որովհետև մեկ է թարգմանելով, դուք թարգմանում եք այն բառով, որը ձեր հոգու բառաֆոնդում է, եսիմ կներեք, եթե սխալ եմ:
    Ամեն անգամ, իմացեք, շնորհակալ եմ, աչքերրիս անհագ ցանկությամբ ընթերցելու նյութ տալու ու հոգումս ինչ-որ հետաքրքիր բան փորփրել-փոխելու-ավելացնել-պակասացնելու համար:
    Մի բառով՝ Հավեսա՜…..
    Շնորհակալություն:

  2. Շնորհակալություն, Նուն ջան։ Սուրոժսկուց սա էլ է հետաքրքիր՝ http://www.irates.am/hy/lNRIemqLQkPCdyaDSleHfqj3Dp

  3. Уведомление: Ս. Մատրոնա Մոսկվացի «Ես ձեզ կտեսնեմ, կլսեմ և կօգնեմ» | Հայկական կակաչ (Papaver Armeniacum)

  4. Уведомление: Ս. Մատրոնա Մոսկվացի «Ես ձեզ կտեսնեմ, կլսեմ և կօգնեմ» | Հայկական կակաչ (Papaver Armeniacum)

  5. Уведомление: Ս. Մատրոնա Մոսկվացի «Ես կտեսնեմ, կլսեմ և կօգնեմ ձեզ» | Հայկական կակաչ (Papaver Armeniacum)

  6. Уведомление: Ս. Մատրոնա Մոսկվացի «Ես կտեսնեմ, կլսեմ և կօգնեմ ձեզ» | Հայկական կակաչ (Papaver Armeniacum)

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s