Ուսումնական բլոգն ավելին է, քան կրթական կայքը: Այն նաև սոցիալական ցանց է, ուր խոսքի մշակման աշխատանքների իրականացման, հարցեր և առաջադրանքներ պահել-հավաքելու, թարգմանական տեքստեր զետեղելու, ստեղծագործական աշխատանքեր կատարելու, փոքրիկ հետազոտական աշխատանքներ իրականացնելու, հարցաշարերի շտեմարան ունենալու հետ մեկտեղ դասավանդողին և սովորողին հնարավորություն է տալիս շփվելու և համագործակցելու իրար հետ: Հոկտեմբերյան հավաքի օրերին ինձ համար երեք գերակա ուղղություններ ընտրեցի և փորձել եմ անցնող ամիսների ընթացքում հնարավորինս զարգացնել հենց այդ ուղղությունները: Դրանք էին` ինտերնետ TV-իի և ծիսական մեդիաուղեցույցի ստեղծում, բլոգի նոր հնարավորությունների բացահայտում:
Հենց սկզբից անկեղծ լինեմ և ասեմ, որ դրանց ընթացքը և զարգացումը շատ մոտավոր և աղոտ էի պատկերացնում: Հիմա աշխատանքները այն փուլում են, որ վստահաբար կարելի է բարձրաձայնել հետևյալը.
- իրականություն է դառնում mskh-ի գիտահանրամատչելի ինտերնետ TV-ին
- ամենօրյա կատարված աշխատանքի շնորհիվ բացահայտվում են բլոգի նորանոր հնարավորություններ, որոնք, ինչ խոսք, շատ ավելի արդյունավետ ու հետաքրքիր միջավայր են ստեղծում երկուստեք` թե դասավանդողի, թե սովորողի համար
- ծիսական տոնացույցի աշխատանքներին զուգընթաց մի շատ կարևոր գործ էլ է կատարվում` ստեղծվում են մեդիափաթեթներ, որոնք հնարավորություն կտան հետագայում դրանք ոչ միայն օգտագործելու, այլ նաև լրացնելու
Ու, քանի որ առցանց TV-իի և ծիսական մեդիաուղեցույցը աշխատանքերը տեսանելի են, ես չեմ անդրադառնա դրանց, կխոսեմ միայն բլոգի` որպես վիրտուալ աշխատարանի մասին:
Նախորդ հոդվածում նշել էի, որ բլոգը առայժմ կիրառվում է`
- դասին անհրաժեշտ տարաբնույթ նյութերի
- առցանց քննարկումներ կազմակերպելու
- առցանց ստուգումներ անցկացնելու
- օգտակար ինտերնետային տարատեսակ հղումներ պահելու համար:
Հիմա արդեն կարող ենք ավելացնել նաև`
Բլոգը հարմար միջավայր է`
խոսքի մշակման աշխատանքներ իրականցնելու
հարցեր և առաջադրանքներ պահել-հավաքելու
թարգմանական տեքստեր զետեղելու
ստեղծագործական աշխատանքեր կատարելու
փոքրիկ հետազոտական աշխատանքներ իրականացնելու
հարցաշարերի շտեմարան ունենալու
Ինչպես նաև`
մեդիափաթեթների համար:
Ընդ որում, բլոգի նյութերը վերցվում են ոչ միայն համացանցից` facebook-ց, mskh.-ից, այլ որ, թերևս, ամենակարևորն է`օգտագործվում են հենց մեր սովորողների ու դասավանդողների թարգմանություններն ու ստեղծագործական բնույթի նյութերը:
Բլոգը բաց է և գործում է ոչ միայն իմ դասավանդած դասարանների սովորողների, այլ նաև Միջին դպրոցի այլ սովորողների համար ևս: Շփումը անկեղծ է ու անկաշկանդ: Բլոգը դարձել է վիրտուալ բաց լաբորատորիա, ուր կարող են և մտնում են բոլոր ցանկացողները և, որ ամենակարևորն է` կատարում են որոշակի աշխատանք:
Ահա այսպիսի վիրտուալ աշխատարան:
Հեղինակ` Նունե Մովսիսյան
«Մխիթար Սեբաստացի» կրթահամալիր
Уведомление: Կիսամյա գործունեության ամփոփում | Մեդիամանկավարժական բլոգ
Уведомление: Ու էլի բլոգի մասին (հաշվետվություն) | Հայկական կակաչ (Papaver Armeniacum)
Уведомление: Ու էլի բլոգի մասին (հաշվետվություն) | Հայկական կակաչ (Papaver Armeniacum)
Уведомление: Ու էլի բլոգի մասին (հաշվետվություն) | Հայկական կակաչ (Papaver Armeniacum)