Պատանեկան ամսագրերը 2016-2017 ուսումնական տարում

Պատանեկան ամսագրեր.խնդիրներ և առաջարկներ

«Երգ Երգոց» նախագիծ. ընդհանուր նկարագրություն

Աշխատանքը, ի սկզբանե, երկու ուղղությամբ է ընթացել

Առաջին ուղղություն. գրական ընթերցումներ, աուդիոգրքի ստեղծում

Նախապատրաստական փուլը տևում է մինչև մեկ շաբաթ, կախված ընթերցվող գրաբար տեքստի բարդությունից՝  երբեմն ավելի երկար: Սովորողները նախօրոք ծանոթանում են տեքստին, տանը և դպրոցում ընթերցում են: Պատրաստ լինելուն պես դիմում են Կարեն Խաչատրյանի օգնությանը` ձայնագրվելով  ձայնագրման ստուդիայում: Աուդիոնյութի վերջնական` արդեն մոնտաժված  նյութը տեղադրվում է «Կանթեղում», իսկ առավել հաջողվածները բերվում են կայք:

Վերջնական արդյունքը՝  «Երգ Երգոց» աուդիոգրքի ստեղծում

Երկրորդ ուղղություն. գրական ընթերցումներ, ներկայացում

Քնարիկ Ներսիսյանը Թատրոնի լաբորատորայի, նաև` 9-րդ դաս.-ների սովորողների հետ ընթերցում է, ձայնագրվում:

Վերջնական արդյունքը՝  ներկայացում (նախատեսվում է հունիս ամսին)

 Հնարավոր զարգացումներ

• Սողոմոն Իմաստունի «Երգ Երգոցից» և 5-րդ դարի հայ հին և միջնադարյան դասական քնարերգությունից բացի ներառել համաշխարհային հոգևոր գրականության այլ գոհարներ ևս
• Սովորողների ընթերցումներից բացի նախատեսել դասավանդողների, ինչպես նաև` ծնողների, այլ ցանկացողների ընթերցումներ ևս
• Յուրաքանչյուր խումբ, ըստ նախօրոք պայմանավորվածության, սկսի և ավարտի կոնկրետ մի հեղինակ (ներ):

 «Հոգևոր Հայաստան» նախագիծ. առկա և հնարավոր ուղղություն—զարգացումներ

Առկա ուղղություններ

• Մշակութային (հոգևոր երաժշտություն, ազգային երգ և պար, ազգային խաղեր, ցուցահանդես, թատրոն, համերգ, տոն-ծես և այլն)
• Կրթական պարտեզ
• Ուխտագնացություններ, հայրենագիտական ճամփորդություններ

Զարգացման ենթակա ուղղություն 

• Հոգևոր կրթություն (հոգևոր-քրիստոնեական մշակույթ, «Հոգևոր Հայաստան», «Երգ երգոց», «Կանթեղ», «Ծիսական տոնացույց»…)

ա. Աստվածաշնչյան ընթերցումներ

բ. Նարեկից ընթերցումներ

գ. հոգևոր երգերի ձայնա և տեսանյութերի ստեղծում

դ. ընթերցումներ համաշխարհային հոգևոր գրականությունից

ե. մասնակցություն Հայաստանյայց եկեղեցու խորհուրդներին և կարգերին

զ. ծանոթացում աշխարհի հոգևոր առաջնորդների հետ, թարգմանություններ նրանց ստեղծագործություններից:

է. հոգևոր գրադարանի ստեղծում

Հաշվետվություն 2015-2016

Հեղինակային մանկավարժության հեղինակների 11-րդ մայիսյան հավաքին, որպես հեղինակ, պատիվ ունեմ ներկայացնելու 2015-16 ուս. տարվա կատարած աշխատանքը: Աշխատանքն առավել տեսանելի դարձնելու համար կներկայացվեն խմբային և անհատական գործունեության արդյունք-նմուշներ:

Խմբային գործունեության հաշվետվություն

Խմբային գործունեությունը, 2015-16 ուս. տարվա ընթացքում, ներառել է երկու տիպի աշխատանք`

• ոսումնական պարապմունքների ժամանակ արվող աշխատանք
• սովորողի ընտրությամբ ուսումնականաշխատանք կամ նախագծեր

Ուսումնական պարապմունքների ժամանակ արվող աշխատանքը նախատեսված է բոլոր սովորողների համար: Սրանք հիմնականում առարկայական կարճաժամկետ նախագծեր են:

Կարճաժամկետ նախագծեր. արդյունքներ

Սովորողի ընտրությամբ ուսումնական աշխատանքը կատարվել է ըստ սովորողների ցանկության, նախասիրությունների և հետաքրքությունների: Սրանք երկարաժամկետ նախագծերն են:

Երկարաժամկետ նախագծեր. արդյունքներ

• Առականի
• Շողակն
• Ֆիլմադարան
• Վիքիմեդիա
• Գրապտույտ
• Կանթեղ

Առականի թարգմանական բլոգ-թարգմանվել և ներկայացվել են աշխարհի ժողովուրդների, ինչպես նաև հեղինակային, կրոնական առակներ:

Թարգմանվել է  450-ից ավել առակ

Շողակն և Գրապտույտ էլեկտրոնային ամսագրերը ուղղված են եղել սովորողների ստեղծագործական ունակությունների և վերլուծական կարողությունների բացահայտմանը:

«Շողակնում» այս պահին կա  346, իսկ «Գրապտույտում»`  280 գրառում:

Ֆիլմադարան-այս նախագծում ընդգրկված սովորողները դիտում, ապա հակիրճ ներկայացում են իրենց հավանած ուսումնական ֆիլմերը:

Հրապարակել է  130 գրառում

Վիքիմեդիան պատրաստում է հոդվածներ  հայալեզու Վիքիպեդիայի համար:

Վիքիպեդիան ընդունել է 200 հոդված

Կանթեղը փորձում է հետաքրքրություն խթանել հոգևոր-քրիստոնեական կրթության նկատմամբ:

Հրապարակվել է  47 նյութ, որի գերակշիռ մասը աուդիո նյութեր են:

Ընդհանուր առմամբ` նախագծերում ընդգրկված է 40-ից 50 սովորող:

Անհատական գործունեության հաշվետվություն. արդյունքներ

Դասավանդողի մեդիադարակ (անելիքներն ըստ ամիսների)

Առցանց նյութեր (հարցեր-առաջադրանքներ, արդյունք-նմուշներ)

Նախագծերով ուսուցման իմ Ավագ շաբաթը

«Կարդում ենք Տերյան» ստուգատես. ամփոփում

Հեռավար դպրոցի արդյունքներ. ուսումնասիրություն

«Հայկական կակաչ» կրթամշակութային կայք-ընդհանուր նյութերի թիվը` 940, որից  300-ը թողարկվել է մայիսից մայիս ընկած ժամանակահատվածում:

Կայքն ունի 95 հետևորդ, ընդհանուր այցելություններն այս պահին` 429 789

mskh կայքի իմ էջը հավաքից հավաք գրանցել է 640 թողարկում

«Դպիրի» իմ էջում մայիսից մայիս գրանցում են ստացել`

Նախագծերով ընդհանուր ուսուցման կազմակերպում

Մեր ամենատոնը` «Սեբաստացու օրեր. կրթահամալիրի տոն»

Լրացուցիչ կրթություն. ընդհանուր դիտարկումներ

Էլ ինչ գարուն, որ աշնան հասունություն չունենա

Ուսումնական ճամփորդություններ

Գրաբարի օլիմպիադա. Էջմիածին

Գրաբարի վերապատրաստում. Ծաղկաձոր

Հայ-վրացական կամուրջներ. Թբիլիսի

Ուխտագնացություն Տայք, Համշեն. Թուրքիա

Վահան Տերյանի հուշարձան. Երևան

Եղիշե Չարենցի հուշարձան. Երևան

Բարձունքի հաղթահարում. Արա լեռ

Բարձունքի հաղթահարում. Բջնիի ամրոց

Ճամփորդություն Սևան, Գեղարդ, Ալափարս

«Կրթական պարտեզ» նախագիծ

• ծաղկատունկ
• Ապրլի կանաչ ցանկապատ

 Հեղինակային կրթական ծրագիրը` մեգանախագիծ

 Այն, ինչն անցնող տարիների ընթացքում ստեղծվել է կրթահամալիրում, հիրավի, արժեքավոր է ու բացառիկ` անկախ թերացումներից և բացթողումներից:

Հեղինակային կրթական ծրագիրը, ըստ էության, իրականացրել և շարունակում է իրականություն դարձնել ՅՈՒՆԵՍԿՕ-ի կրթության չորս հիմնասյուները, որոնք համարվում են կրթության վերափոխման հիմնարար սկզբունքներ:

Դրանք են`
Սովորել իմանալու համար
Սովորել իրականացնելու համար
Սովորել լինելու համար
Սովորել միասին ապրելու համար:

Կրթությունը, ինչպես ինքը` կյանքը, մարդը և լեզուն, անընդհատ ու շարունակական վերափոխվելու, զարգանալու խնդիր ունի: Այն չի կարող և չպետք է կանգ առնի: Կանգառ նշանակում է հետընթաց, արդյունքում` դեգրադացում:

«Գերմանացի գրող Բրեխտի պատմվածքներից մեկում կա մոտավորապես մի այսպիսի երկխոսություն: Մի մարդու հարցնում են:
— Երբ սիրում եք որևէ մեկին, ինչպե՞ս եք վարվում:
— Ես նրա համար նախագիծ եմ մշակում,- պատասխանում է մյուսը:
— Նախագի՞ծ, իսկ հետո՞:
— Հետո հոգ եմ տանում, որպեսզի այդ երկուսն իրար համընկնեն:
— Ասացեք խնդրեմ, ո՞վ կամ ի՞նչը պետք է համընկնի մյուսի հետ. մարդը` նախագծի, թե՞ նախագիծը` մարդու:
— Իհարկե, մարդը պետք է համընկնի նախագծին»:

Հեղինակային կրթական ծրագիրը մեգանախագիծ է, ուր ընդգրկված են կրթահամալիրում բոլորը` մանկավարժներ, այլ աշխատանք իրականացնողներ, նախակրթանների սաներ, կրտսեր և միջին դպրոցների, ավագ դպրոց-վարժարանի սովորողներ և այլն: Յուրաքանչյուրը փորձում է անել այն, ինչ ցանկանում է ու կարողանում է անել: Անում է այն, ինչն իր ուժերի, համարձակության կամ ոգեշնչման տիրույթում է: Ու ոչինչ, որ հաճախ ինչ-ինչ բաներ թերի են ստացվում:

Այլ հարց է` ինչպես կամ ինչու է ոմանց մոտ այդ աշխատանքը քիչ թե շատ լավ ստացվում, իսկ մյուսների մոտ` ոչ այնքան: Կարծում եմ` սրա պատասխանը առավել քան պարզ է:  Աշխատանքը (նախագծային աշխատանքը` առավել ևս) ստացվում է նրանց մոտ, ովքեր համարձակություն ունեն հավատելու իրենք իրենց և դիմացինին: Ովքեր իրենց և դիմացինին վստահորեն տալիս են ամենակարևորը` ազատություն, որը թույլ է տալիս բացելու սեփական հնարավորությունները, ըստ այդմ` կերտելով իր և կողքինների անհատականությունը:

Իսկ ի՞նչ ասել է հավատ սեփական անձի և դիմացինի հանդեպ: Ինքնավստահությո՞ւն, հազիվ թե, որովհետև ինքնավստահությունը հաճախ հիմնված է լինում չափազանցված ինքնագնահատականի վրա: Այն դեպքում, երբ հավատավոր մարդու ինքնագնահատականը կայուն է, ասել է թե` նա կարիք չունի գնահատականի: Նրա ինքնազգացողությունը, վերջին հաշվով, չի տուժում ոչ գովասանքից ու ոչ էլ` պարսավանքից: Նա ինքնաբավ և ինքնիշխան մեկն է, ով իր գործն է անում` անկախ ամեն ինչից:

-Ինչո՞ւ և ինչպե՞ս,-կհետաքրքվեն շատերը:

Դե, որովհետև նման մարդկանց ներսում կա ներքին մի ուժ, զորավոր մի բան, որը միշտ և բոլոր դեպքերում շարժում է ապահովում: Արտաքին միջավայրը կամ հանգամանքները երբեք և ոչ մի դեպքում չեն կարող խոչընդոտ հանդիսանալ: Միայն մի բան և մի դեպքում կարող է այդ շարժումը կասեցնել` սեփական անհամարձակությունը: Մնացած դեպքերում այն գործում է անվրեպ և անվարան: Ի վերջո, հավատը ոչ այլ ինչ է, եթե ոչ ազատություն տալը մեր ներսի ստեղծագործ ու անպարտելի անհատին:

Սեր և ազատություն, փառք Աստծո, կրթահամալիրում կա: Մնաց ամենակարևորը` հավատը: Իսկ սիրուց հավատ, ասել է թե` զգացմունքից և մտքից հոգևոր դաշտ ընդամենը մեկ քայլ է:  Կունենա՞նք այդ քայլի կարևորության գիտակցումը` Կրթահամալիրի փոխարեն կունենանք Միաբանություն…

Իմ սիրուն կրթահամալիրին Հավատ եմ մաղթում:

Հետգրություն

 Ամեն անգամ «միաբանություն» բառն ասելիս մի երազ է աչքիս դեմ հառնում: Չգիտեմ` այդ երազանքն իմ ստեղծածն է, թե՞ այն ինչ-որ տեղ եղել է ու ինձ է փոխանցվել. Մայր դպրոցի հարևանությամբ` մոտիկ, շա՜տ մոտիկ, բարձրահարկ մի շենք, ուր ապրում են կրթահամալիրում աշխատող մարդիկ: Ու, ես ամեն անգամ վայելում եմ իմ ընկերների հարևանութամբ ապրելու երջանկությունը…

Նունե Մովսիսյան

«Մխիթար Սեբաստացի» կրթահամալիր

Լուսանկարը` mskh-ից