Շալվա Ամոնաշվիլին ծնվել է Թբիլիսիում, 1931թ. մարտի 8-ին: Սովետական, վրացական և ռուսական անվանի նորարար մանկավարժ, հոգեբան, բազմաթիվ գիտական ​​աշխատանքների հեղինակ:  Ղեկավարել է մի շարք Փորձարարական դպրոցներ Մոսկվայում, Պետերբուրգում, Տյումենում, Սուրգուտում և այլ քաղաքներում:

1998թ.ից առ այսօր աշխատում է Մոսկվայի քաղաքային մանկավարժական համալսարանում՝ ղեկավարելով «Մարդասիրական մանկավարժության» լաբորատորիան:

2001 թ հիմնել է Մարդասիրական Մանկավարժության Միջազգային Կենտրոնը, ինչպես նաև «Շալվա Ամոնաշվիլի» հրատարակչությունը՝ 40 հատորով հրատարակելով «Մարդասիրական Մանկավարժության Անտալոգիան»:

Մարդասիրական Մանկավարժության հիմնադրույթներն են՝

Ուսուցիչի  օրենքը՝ սիրել երեխային, հասկանալ երեխային, լավատեսություն ներշնչել երեխային:

Սկզբունքները՝ մարդասիրական միջավայր ապահովել երեխայի համար, հարգանքով վերաբերել երեխայի անհատականությանը, համբերություն դրսևորել երեխայի անհատականության ձևավորման գործընթացում:

Պատվիրաններ՝ հավատալ երեխայի անսահաման կարողություններին, սեփական մանկավարժական ունակություններին, մարդասիրական ուժին:

Աջակցել երեխային, որպեսզի նա ձգտի զարգանալ, հասունանալ, ազատ լինել:

Ուսուցչի անձնային ​​հատկանիշները՝ բարություն, ազնվություն և անկեղծություն, նվիրվածություն:

Ամոնաշվիլու մանկավարժության հիմնաքարը՝  սիրիր աշակերտին այնպիսին, ինչպիսին նա կա: «Մենք պետք է բարի հոգով մարդիկ լինենք և երեխաներին սիրենք այնպիսին, ինչպիսին նրանք կան: Երեխային հասկանալ, նշանակում է հանգել նրա դիրքորոշմանը»:

Մարդասիրական Մանկավարժության մեթոդաբանության հիմնական մոտեցումներ

• Երեխայի կրթությունը սկսել 6 տարեկանից:
• Ուսուցումը պետք է խթանի գործունեությունն ու երեխայի նախաձեռնողականությունը:
• Ուսուցման ընթացքում պետք է երեխաներին սովորեցնել՝  ինքնուրույն մտածել, անընդհատ լսել, ստուգել, քննադատաբար ընկալել տեղեկատվությանը:
• Իրականացնել անգնահատանիշ ուսուցում՝ երեխայի մոտ ձևավորելով ինքնագնահատում:

Ամբողջ կրթական համակարգը կառուցված է ոչ թե երեխային կյանքի համար պատարաստելը, այլ գիտակցելը, որ մանկությունը կյանքի կարևոր փուլ է իր դժվարին խնդիրներով, որոնք պետք է հասկանա և ընդունի ուսուցիչը:

Աղբյուրը՝  http://ru.wikipedia.org/

Լուսանկարը՝ «Շալվա Ամոնաշվիլի» պաշտոնական կայքէջից

Թարգմանական ծաղկաքաղը՝ Նունե Մովսիսյանի

Կարող եք կարդալ նաև՝  Շալվա Ամոնաշվիլի, «Շտապե՛ք երեխաներ, թռչել ենք սովորելու», «Հավատ և սեր» գրքերից հետևյալ թարգմանությունները

Միտքը սրտին

Ովքեր են քո երեխաները, ուսուցիչ

Ազատ ապրելու օրինակներ

Ինչ է հարկավոր, որպեսզի թևեր աճեն

Թևեր կան, բայց

Ինչ է միտքը

Ինչ է կրթությունը

Թևեր

Եթե դու ինձ օգնեիր

Հոգեկան էներգիա

Տվեք ինձ ձեր շնորհը

Դպրոց, ուր անաստվածություն է տիրում

Մանկավարժական էսսե